"Uning o'yinlari meni o'ziga rom etadi va jamoadoshlari bilan ajoyib tandem hosil qila oladi. Har doim shu toifadagi hujumchilarning o'yiniga ishtiyoqim baland bo'lgan. Ishonamanki, Karim so'nggi 10 yillikning eng yaxshilaridan biri" - dedi Xabi Alonso.
Benzema 2009 yildan beri "Real" sharafini himoya qilib kelmoqda. Barcha musobaqalarni qo'shib hisoblaganda, fransiyalik forvard "qirollik klubi" uchun 202 gol urishga muvaffaq bo'lgan. Bu "Real" to'puralar poygasida ettinchi natija hisoblanadi.
