Bellingem Karlo Anchelotti qo'l ostida maydon markazida, 10-raqam sifatida o'ynadi, bu uning samarali harakatlari bilan tasdiqlanadi. Angliyalik futbolchi o'tgan mavsum 14 ta gol urdi va shuncha golli uzatmani amalga oshirdi.
"U har qanday joyda foyda keltiradi, chunki u o'zgacha futbolchi. Uning porlashi – "Real" uchun davrni belgilovchi futbolchining porlab chiqishi. Menimcha, 21 yoshli futbolchi klubning kelajakdagi loyihalarida asosiy rol o'ynaydi.
U bilan yaxshi joyda va qulay paytda ishlashdan mamnunman. Uni yarim himoyachi sifatida ko'raman. Biz uni imkon qadar foydali o'yinchiga aylantiramiz", – dedi ispaniyalik murabbiy.
Alonso "qaymoqranglilar" bilan 2028 yilning 30 iyuniga qadar mo'ljallangan shartnoma tuzdi va madridliklar jamoasini 3 mavsum boshqaradi.
