Виталий Левченко: "Жасур Жалолиддинов ҳақидаги хабарни Championat.asia сайтида ўқидим"

Ўйин ҳақида

- "Металлург" жамоаси бугун яхши ўйнади ва ғалабага ҳаракат қилди. Жамоанинг турнир жадвалидаги ўрнидан келиб чиқсак, бу тушунарли. Биринчи бўлимда кам вазиятлар яратдик. Иккинчи бўлимда ўйинимиз кучайди, бироқ сўнги зарбаларда аниқлик ва омад етишмади. Мезбонлар гол уриш учун охирги дақиқаларгача ҳаракат қилишди. Йигитлар тартибли ҳимояланишди. 

- Ўйиннинг 18:00да бошланиши жамоангизга қанчалик қийинчилик туғдирди? 

- Ҳар икки жамоага ҳам қийин бўлгани аниқ. Билишимча, ўйин трансляцияси сабаб шундай қарорга келинган экан. Иссиқ об-ҳавода майдонда югуриш осон эмас. Бу футболчиларнинг тезлигига таъсир қилади, майдонда ўз имкониятларини тўлиқ намойиш этиб беришларида қийинчилик туғдиради. 

- Хусайн Норчаев нега майдонга тушмаяпти? 

- Норчаев Олимпиада ўйинларидан сўнг биз билан машғулотларда тўлиқ қатнашмади. Тиббий кўрикдан ўтган, даволаниши керак экан. Ўйин амалиёти кам бўлган ҳолатда уни майдонга тушириш нотўғри бўлади. 

- Жасур Жалолиддиновчи? 

- Жасур Жалолиддинов ҳақидаги хабарни Championat.asia сайтида ўқидим. Бу савол клуб раҳбариятига берилса, тўғри бўларди. 

- Мавсум бошида "Нефтчи" чемпионлик учун курашиши айтилганди, аммо кўплаб мағлубиятлардан кейин раҳбарият сизга ишонч билдиришда давом этармикин? 

- Ҳеч кимни хафа қилмаслик учун, бу саволни жавобсиз қолдираман.