Аввалроқ жамоа сардори Ван Дейк: "Ливерпуль" қайсидир паллада таслим бўлди, шекилли. Мухлислардан узр сўрайман — биз уларни, ўзимизни ва мураббийни уятга қолдирдик", — деган эди.
"Вирджилнинг бундай деганидан хабарим йўқ эди. Мен бу фикрга қўшилмайман, чунки биз охиригача вазиятлар яратишга ва ўйинни ўзгартиришга ҳаракат қилдик.
Албатта, ўйиннинг 80-дақиқаси ўтиб бораётган ва ҳисоб 0:3 бўлган пайтда руҳий жиҳатдан курашни давом эттириш жуда қийин. Аммо биз ҳатто 0:3 ва 0:4 ҳисобида ҳам бор кучимизни беришга интилдик. Ўша вазиятда ҳам бизда бир нечта имкониятлар бўлди. "Сити"га 0:4 ҳисобида ютқазиш бизнинг даражамиз эмас, биз кейинги босқичга чиқмоқчи эдик. Кейинги йил яхшироқ иштирок этишга ҳаракат қиламиз", — деди Виртц.
Эслатиб ўтамиз, "Ливерпуль" ушбу мағлубиятдан сўнг Англия Кубогидаги иштирокини тўхтатди. Энди мерсисайдликлар бор эътиборини АПЛ ва Еврокубокларга қаратишга мажбур.
