UZ

Сўнгги янгиликлар

16:31"Ливерпуль"нинг собиқ футболчиси: "Санчо "Олд Траффорд" юлдузи бўлади"  1 16:13Германияда йилнинг энг яхши мураббийи аниқланди  0 15:59Қатар КОНКАКАФ Олтин Кубогининг ярим финалига чиқди  5 15:43Бокс. Санжар Турсунов Олимпиадага муносиб спортчими?  50 15:31Олимпиада. Жиньякдан хет-трик, Бразилиядан нурсиз дуранг, Аргентинада ғалаба  0 15:06“Машъал” – “Сурхон” учрашуви Қаршида бўлиб ўтади  11 14:58Футзал. Термамиз Таиланддаги халқаро турнирни ғалаба билан бошлади  7 14:36Англияда яна шов-шув! "Манчестер Сити" молиявий фэйр-плейни бузганликда айбланмоқда  4 14:19Буффон: "ЖЧ-2022 бизни кутиб турибди, аммо..."  1 13:59Моуриньога "Барселона" ҳимоячиси керак  7 13:38Депай: "Мухлислар мендан кўп нарса кутишаётганини биламан"  5 13:19Каррагер: "Вийналдум кўпроқ пул истади, "Ливерпуль" эса уни хоҳламади"  6 12:57Кейн "Манчестер Сити"га қарши ўйинда қатнашмайди  1 12:41"Милан" Брандтни нишонга олди  1 12:17"Ливерпуль" футболчиси "Фулхэм"га ўтди  0

Виктор Жалилов: "Ҳакамлар натижага таъсир кўрсатадиган хатога йўл қўйишди, деб ўйламайман" Янгиликлар

Виктор Жалилов: "Ҳакамлар натижага таъсир кўрсатадиган хатога йўл қўйишди, деб ўйламайман"

Суперлиганинг учинчи туридан ўрин олган "Навбаҳор" - "Насаф" (0:0) ўртасидаги учрашувдан сўнг "Навбаҳор" бош мураббийи Виктор Жалилов қатнашади.




 - Оғир ўйин ўтказдик. Ҳар икки жамоа мавсумни мағлубият билан бошлаганди. Бу футболчиларга руҳий зарба бўлади. Ишқибозларинг кўз ўнгида мағлубиятга учраш оғир албатта. Бугунги ўйиндаги ҳисоб адолатли бўлди. Ҳар икки жамоада қулай имкониятлар бўлди. Қайсидир жамоа ютқазса алам қиларди. Албатта, "Навбаҳор" ғалаба қозонса яхши бўларди. Лекин футболда шундай ҳолат ҳам учраб туради. Мирзоҳид Ғофуровнинг жароҳат олиши ҳам бизга панд берди.

- Селекция ишлар бўйича гап-сўз бўлиши мумкин эмас. Трансфер ойнаси ёпилган. Энди ихтиёримиздаги футболчилардан имкон қадар фойдаланишга ҳаракат қиламиз. Уларнинг позицияси бўйича аниқ тўхтамга келамиз. Келганимга узоқ бўлмади, вақт ўтгани сари футболчиларнинг имкониятларига қараб, уларнинг кучайишларини таъминлаймиз. "Насаф" ўтган мавсум бежиз иккинчи ўринни эгалламади. Ажойиб ёшлари бор, малакали мураббийи бор, уларнинг сафидаги ёшлар ҳеч бир жабҳада тажрибали футболчилардан қолишмадилар. Кимгадир маҳорат етишмади, кимдир яхши тайёргарлик кўрмаган бўлади. Қисқа муддат ичида ҳамма камчиликларни тузатиш имконсиз. "Локомотив" билан ўйинда қандайдир омад кулиб боққандир, "Насаф"да эса ўйиннинг яхши ташкил этилгани ўйин оғир ўтишига сабаб бўлди. Йигитлар ғалаба учун астойдил ҳаракат қилишди.

- Ҳакамлар учун ҳам ўйин оғир ўтди. Кураш кўп бўлди. Ҳакамлар натижага таъсир кўрсатадиган хатога йўл қўйишди, деб ўйламайман. Бошқа вазиятларни эса ҳакамлар қўмитаси ўзи кўриб чиқади, бу борада ҳеч нарса деёлмайман.

- "Локомотив" билан ўйинда марказдаги футболчиларимизга кўп оғирлик тушди. Захирадан тушган футболчиларимиз ўйинни кучайтиришди. Машғулотлар ва ўйинлар пайти футболчиларнинг имкониятларини чамалаб, шунга кўра уларни ўйинга туширяпман. Бугун битта мажбурий ўзгаришни амалга оширганимиз ҳам яхши бўлмади.

- Барчангиз кўрдингиз, футбол журналистлари, шарҳловчилар, мухбирлар, блогерлар ҳамма кўрди. Кимнингдир ўйини қовушмаганини кўрдингиз. Футболчилардан кимдир чарчаб қолди, кимдир хатоларга йўл қўйди. Буни албатта, жамоа билан таҳлил қиламиз. Ҳаммага камчиликларини кўрсатамиз. Умумий олганда, 70-80 фоиз ҳолатда жамоамиз ўйини мени қониқтирди. Қолган 20-30 фоиз ҳолатда кузатилаётган камчиликлар устида ишлаймиз.

- Биласизми, Давронбек Ҳошимов ўйин охирига яқин алмаштиришимизни сўради, мушакларида муаммо кузатилди. Ислом ҳимояга ёрдам беролмаслигини айтди, Аббос эса бу борада ёрдам беришини билдирди. Шунинг учун Аббосни Исломнинг ўрнига туширдик. Шу тариқа Аббос Даврон Ҳошимовга ёрдам бериб турди. Бу вазиятда Шоҳруҳ Маҳмудҳожиевни майдонга тушириш имконияти қолмаганди.


Рейтинг: +16   

Фикрлар

championat.asia
< сўнгги янгиликларни кўриш
Яндекс.Метрика