"Кўп йиллик қийинчиликлар, шу билан бирга ғолиблик онларига тўла бўлган футболчилик фаолиятимни бугун барчага миннатдорлик билдирган ҳолда якунлаганимни маълум қилмоқчиман.
Мен меҳнатсеварлик эвазига содиқ мухлисларнинг қўллаб-қувватловига эга бўлдим.
"Ал Айн" клуби раиси шайҳ Ҳазза бин Заид ал-Наҳянга менга катта ишонч билдиргани учун раҳмат айтаман. Шунингдек, мени доимий қўллаб турган Муҳаммад бин Талуб ал-Дереи, Муҳаммад Носир бин Талуб ва Муҳаммад Ҳалфан ал-Румайтийга миннатдорлик билдираман.
Бугун мен ҳаётимнинг энг гўзал онларини ёпишга қарор қилдим. Ушбу саёҳатнинг бир қисми бўлган барчага раҳмат айтаман", - деб ёзади Абдулраҳмон ўз инстаграмида.
Абдулраҳмон 1991 йилнинг 20 сентябрида Саудия Арабистонида туғилган. У "Ал Ҳилол" клуби тарбияланувчиси ҳисобланади.
Профессионал футболчилигида у "Ал Айн", "Ал Ҳилол", "Ал Жазира", "Шабаб Ал-Аҳли" жамоаларида ҳаракат қилган. Ўтган йилнинг январида "Ал Васл"ни тарк этганидан кейин асосан ҳаваскорлар футболида кўриниш бераётганди. БАА термаси таркибида 73 ўйинда қатнашиб, 11 гол урган.
Абдулраҳмон фаолияти давомида 1 марта Саудия Арабистони Суперкубоги, 6 марта БАА чемпионлиги, 1 марта Араб кўрфази кубогини қўлга киритган. 2016 йилда Осиёнинг энг яхши футболчиси бўлган.
