UZ

Сўнгги янгиликлар

21:28"Реал" футболчиси жамоа машғулотида жароҳат олди  10 20:59Пол Инс: "Санчес МЮни танлади, чунки "Сити"да ном ҳам, совринлар ҳам, тарих ҳам йўқ"  20 20:32Маркиньос Неймар трансфери ҳақида: "Испан матбуоти бизни безовта қилмоқчи"  4 20:11“Локомотив” Дубай йиғинидаги сўнгги ўйинида “Краснодар” билан баҳс юритди  13 20:04Майкл Оуэн: "Санчес МЮни эмас, "Сити"ни танлаши керак эди"  15 20:02“Хоразм” тайёргарликни қачондан бошлайди?  22 19:36Юпп Хайнкес 2013 йилда "Челси" ва ПСЖга рад жавобини берган  12 19:14Моуриньо Санчес ҳақида: "МЮга ҳужумда рақобат зарур"  13 19:07Эрнесто Вальверде: "Месси менга кўп ташвиш келтирган"  19 18:53Умид Аҳмаджонов "Реал Мадрид" Академияси директори билан учрашди  38 18:47АПЛ клуби ўз сафига футболчи қўшиб олди  4 18:27Омар Моманидан янги карикатура: Санчес нега МЮга ўтишни истади?  18 18:20Сэр Алекс Фергюсон Алексис Санчесни кутиб олди + ФОТО  13 17:49Мессининг кечаги ишини кўрдингизми? (ВИДЕО)  34 17:28Йўғе?! Балотелли "Ювентус"га ўтади  17

Улкан орзулар оғушида Янгиликлар

Улкан орзулар оғушида

Бугунги кунда юртимизда футбол инфраструктураси анча ривожланди.
Шунга монанд равишда, жойларда фаолият юритаётган футбол мактабларида ҳам талантли ва маҳоратли ёш футболчилар таълим ва тарбия олишиб, етишиб чиқа бошлашди.

Биз сайтимиз орқали ана шундай ёш ва келажаги порлоқ ёш футболчилар ҳақида алоҳида саҳифа қилиб, улар ҳақида туркум мақолалар бериб боришни анчадан бўён ният қиламиз-у, аммо бунга ҳар доим ҳам имкониятимиз етавермайди. Шундай бўлсада, бу ишга бугун қўл урдик.

Афсуски, бизда ривожланган мамлакатлардагидек ёш футболчиларни танлаш ёки уларни бирон бир жамоага тавсия қилиш ишлари ҳали кўнгилдагидек йўлга қўйилмаган, балки бу иш ҳозирча ўзаро таниш-билишлик орқали амалга оширилади. Йўқ, биз буни танқид қилишдан йироқмиз. Албатта, келажакда бу иш ҳам бизда ривожланади, бунга асло шубҳа қилмаймиз. Биз бир нарсага қаттиқ ишонамизки, бизда ҳам талантлар ғиж-ғиж аммо шу талантларнинг ҳаммасида ҳам таниш-билишлар йўқ. Оқибатда шундай талантли ёшлар баъзан назардан четда қолиб, охир-оқибат футболдан бошқа соҳага ўтиб кетишга мажбур бўлишади. Ана шуниси жуда ачинарли ҳолат.

Биз қуйида бир ёш футболчи ҳақида қисқача ҳикоя қилмоқчимиз. Унинг орзулари жуда катта. Умид қиламизки, бу ёш футболчининг келажаги порлоқ ва албатта катта футболда ўзини кўрсатади. Зеро, орзуга айб йўқ.

Худойназаров Қобилбек, 1996 йил 24 январда Қашқадарё вилояти, Шаҳрисабз шаҳрида зиёли оилада таваллуд топган. Ўтган йил Муборакдаги “Машъал” футбол академиясини тамомлаган. Бўйи 1.73 м. Вазни 63 кг. Чап қанот химоячиси маҳоратини эгаллаган.

Ёш футболчи ўзи ҳақида шундай ҳикоя қилади: - “футболга қизиқишим 5 ёшимдан бошланган. Менда футболга меҳр ўйғонишида дадам сабабчи бўлганлар, у киши иложи бўлса, биронта футбол учрашувини ўтказиб юбормайдилар, шундан бўлса керак мени келажакда футболчи бўлишимни жуда ҳоҳлайдилар. Бу албатта болалигимдан менда футболга қизиқиш пайдо қилган. Маҳалламиздаги тенгдошларим билан футбол ўйнаш энг севган машғулотимга айланди. Ўшандан сўнг дадам мени “Хисор” стадионига олиб бордилар ва Ўктам Худойбердиев қўлларига топширдилар. Ўктам акадан анча нарсаларни ва дастлабки футбол сир-асрорларини ўргана бошладим. 2009 йили “Машъал” футбол клубининг етук мутахассислари кўригидан ўтиб, “Машал” футбол академиясига ўқишга қабул қилиндим. У  ерда мен ўз тенгдошларим қаторида ўз касбининг моҳир усталари бўлмиш мураббийлар қўлида футбол сирларини ўргана бошладим. “Машъал” футбол академиясида менга мураббийларим Ж.Ботиров, Ж.Саидов, В.Келдиев,  Э.Рапатов, Н.Шоимовлар футбол сирларини меҳр билан ўргатдилар. ўқиш жараёнида биз гуруҳимиз билан Қозоғистоннинг Қаратау шаҳрида, Россиянинг Анапа шаҳрида бўлиб ўтган футбол мусобақаларида иштирок этиб, фахрли I,II ўринларни эгаллаганмиз.

Энг яхши кўрган футболчим, “Барселона” клуби ҳимоячиси - Карлес Пуйол. Ўзимизнинг футболимизда ёрқин ўйин кўрсатиб келаётган, “Насаф” жамоаси аъзоси – Шуҳрат Муҳаммадиевдир, мен уларга жуда ҳавас қиламан ва шундай футболчилардек бўлишга ҳаракат қиламан. Орзуим катта футболга кириш ва келажакда терма жамоамиз сафида она Ватаним шарафини ҳимоя қилсам, дейман”

Орзуга айб йўқ, дейдилар. Биз ҳам Қобилбекка “орзуларингиз амалга ошсин деймиз”, деймиз. Келгусида мамлакатимиз футбол майдонларида жавлон уриб, етакчи футболчилар сафида кўришни ният қилиб қоламиз.
 

Зиёдулла Сафаров тайёрлади.
Рейтинг:    

Фикрлар

championat.asia
< сўнгги янгиликларни кўриш

Энг яхшилар

Ярим финал муборак! Ярим финал муборак!
Хитойда давом этаётган U-23 Осиё чемпионати доирасидаги Япония U-23 - ...  575
Испания. "Реал" "Депортиво"ни шарманда қилди Испания. "Реал" "Депортиво"ни шарманда қилди
Испания чемпионатининг 20-турида "Реал" ўз майдонида...  290
Ла Лига. “Барселона” меҳмонда йирик ҳисобда ғалаба қозонди Ла Лига. “Барселона” меҳмонда йирик ҳисобда ғалаба қозонди
Каталонияликлар “Бетис” майдонида йирик ҳисобдаги ғалабага эришди.   200
"Роналду тарихдаги энг зўри эмас" "Роналду тарихдаги энг зўри эмас"
Аргентиналик афсонавий футболчи Диего Марадона "Реал"...  111
������.�������

CA ни Facebook да ўқиш
учун "Yoqdi"ни босинг