Bunday qarorga "Roma" muxlislarining pirotexnikadan foydalanishi, o'yinning keraklicha tashkillashtirilmagani, zinali yo'lakchalar yopilishi va Rim klubi prezidenti Jeyms Palottaning o'zini nomunosib tutishi sabab bo'ldi.
Bundan tashqari, Palotta 3 oyga evrokubok o'yinlari paytida o'z vazifasidan chetlatildi. Prezident texnik zonada, tribunaosti yo'lakchasida, "Roma" kiyinish xonasida bo'lishi mumkin emas. Jazo Italiya jamoasining evrokubok o'yinlaridagi ilk o'yinidan boshlanadi.