U-16. Тажовузкор "Андижон", "Насаф"га кумуш, "Пахтакор" чемпион...
21 ноя 2021 23:41
Янгиликлар

U-16. Тажовузкор "Андижон", "Насаф"га кумуш, "Пахтакор" чемпион...

Теглар : U-16

ЎзПФЛ томонидан ўтказилган 16 ёшгача бўлган ўсмирлар ўртасидаги респубика чемпионати якунланди.

20 та клуб иштирокида бошланган турнирда жами 38 учрашув ўтказилиб, 176 та гол урилди. Бу ҳар ўйинга ўртача 4,6 тадан тўғри келади.

Мусобақанинг энг сермаҳсул жамоаси "Андижон" бўлди. Ёш "бургутлар" 6 ўйинда рақиблари дарвозасига жами 35 марта тўп киритишди. Мос равишда "Андижон" форварди Азизбек Усмонов энг яхши "бомбардир"га айланди.

Бугун 3-ўрин учун ўтказилган баҳсда "Андижон" устидан зафар қучган пойтахтнинг "Бунёдкор"и бронза медалларга эга чиқди.

Ҳал қилувчи баҳсда "Пахтакор"га йирик ҳисобда енгилган "Насаф" тарбияланувчилари эса кумуш медалларни қабул қилиб олишди.

"Аждарлар" сардори Азиз Исканов мусобақанинг энг яхши футболчиси сифатида эътироф қилинди.

Турнирнинг энг яхши посбони ҳам, мураббийи ҳам "шерлар"дан танланди.

Максим Муркаев ↑↑↑

Фарҳод Нишонов ↑↑↑

Финалда ишлаган Акобирхўжа Шукруллаев бошчилигидаги ҳакамлар гуруҳига эсдалик совғалари топширилди.

16 ёшгача бўлган ўсмирлар ўртасидаги Ўзбекистон чемпионати ғолиби — "Пахтакор".

Чемпионларга кубокни футболимиздаги энг катта номлардан ҳисобланган Миржалол Қосимов ҳамда Равшан Ҳайдаров топширди.

Финалдан кейин "Пахтакор" устози Питер Хюистра клуб тарбияланувчилари билан учрашиб, асосий жамоанинг эшиги улар учун очиқлиги ва келажак айнан уларнинг қўлидалигини алоҳида таъкидлади.