UZ

Сўнгги янгиликлар

08:58“Реал” Бельгиядан мураббий топди   3 08:52Чорлука жароҳат олди   0 07:57Суперлига. Бугун "Пахтакор" - "Локомотив" ва бошқа ўйинлар бўлади  20 07:50Лига 1. “Лион” “Ним”ни ишончли тарзда мағлуб этди   3 07:40Ла Лига. “Сельта” ўз майдонида “Алавес”га ютқазиб қўйди   0 07:30Бундеслига. “Айнтрахт” “Фортуна” дарвозасига 7 та гол урди, Йовичдан пента-трик   3 01:00Olamsport: Мэйвезер 2019 йилда Хабиб ва Конор билан жанг қилмоқчи, спорт курашлари бўйича ЖЧ бошланмоқда  3 00:15"Реал" - "Леванте". Лопетеги қайдномага кимларни киритди?  11 23:06Бахтиёр Ашурматов: "Насаф" биздан барча жабҳада устун кўринди"   4 22:55Нўъмон Ҳасанов: “Ҳар доим мағлубиятда бош мураббий айбдор бўлган”  9 22:43Россия. "Анжи"га Хабиб ҳам ёрдам бермади  7 22:27Сергей Лушан: “Кўпроқ гол уришимиз керак”  4 22:25АГМКни қарши ҳужум тактикасида мағлуб этдик - Рўзиқул Бердиев  10 22:23Баҳром Ҳайдаров: "Ўз уйимизда кетма-кет иккинчи ўйинда учта гол урдик"  3 21:59"Челси" - МЮ учрашувида Азарга аталган катта баннер осишади  12

Тўй устига тўй қилган "Насаф" Янгиликлар

Тўй устига тўй қилган "Насаф"

Январь ойи футболимиз учун жуда чиройли ва муваффақиятли келди.

Бу ойда футболимизда бир қатор ўзгаришлар, ютуқлар ва унутилмас онлар руй берди. Дастлаб Осиё чемпионатига тайёргарлик кўрган ёшлар терма жамоамиз Таиланддаги норасмий мусобақада ғалаба қозонди ва Хитойга хуш кайфиятда йўл олди. Кейинчалик Равшан Ҳайдаров жамоаси Осиёни қандай забт этганини такрор эслатиб ўтишга ҳожат бўлмаса керак. Айниқса Япония ва Жанубий Корея устидан қозонилган ғалабалар футболчиларимизнинг ўз кучига бўлган ишончини ошириш билан биргаликда, юртимиздаги ишқибозларнинг футболга бўлган муҳаббатини қайта тиклагандек бўлди.

Бу орада эндиликда Ўзбекистон Футбол Ассоцияциясига айланган ташкилотга янги раҳбар Ачилбай Раматов келди. Ҳисобот Сайлов Конференциясида Ачилбай Раматов жуда кўп йиллар давомида журналистлар томонидан айтилиб келинган, лекин эътиборга олинмаган гапларни, футболимиздаги муаммоларни йўқ қилиш учун бел боғлаганликларини алоҳида таъкидладилар. Муҳими, ЎФАнинг янги президенти Ачилбай Раматов томонидан футболимиздаги "ўйинлар" йўқ қилиниши маълум қилинди.

Равшан Ҳайдаров шогирдлари эса кўп ўтмай Осиё забт этишди ва буни яна бир қувонарли тарафи шунда бўлдики, финал баҳсини шахсан Муҳтарам Президентимиз Шавкат Миромонович Мирзиёевни ўзлари томоша қилдилар. Бу эса футболимизга берилаётган эътибор янада кучайганидан далолат. Яхши ишлар бошланиши билан янги муваффақиятлар ҳам бошланди.

Байрам устига байрам, тўй устига тўй. Кечаси тунда, қишнинг қаҳратон совуғига қарамасдан чемпион ёшларимизни қандай чиройли кутиб олинди. Бу онлар ҳар қандай юртдошимизга, айниқса футбол иҳлосмандларига ўзгача завқ берди. Футболчилар эса бундай ажойиб, фантастик муҳитдаги кутиб олишни тасаввур ҳам қилмаганликларини айтиб ўтишди.

Энди бевосита кечаги Қаршида ўтган баҳс ҳақида.

Ўйиндан бир кун олдин ҳамкасбим Толибжон Қосимов билан Қарши томон йўл олишга ҳозирлангандик. Аслида "Афросиёб" поезди билан Қаршига боришни, у ердаги ўйиндан олдин бўладиган барча расмий тадбирларни ёритишни мақсад қилгандик. Аммо поездга чипта топилмагач, таҳририятимиз раҳбарияти "Насаф" иштирокидаги баҳсни тўлиқ ёритиш мақсадида самолётга чипта излашга киришди.

Биз билан битта рейсда учрашув ҳакамлари, "Насаф"нинг рақиби "Ал Файсали", куни кеча чемпионлик онларини бошдан кечирган ҳамда эйфорияда юрган "Насаф"нинг ёш ва эндиликда ҳақиқий етакчисига айланган тўрт нафар аъзолари учишди. Қаршидаги ноқулай об-ҳаво ва қалин ёғаётган қор туфайли 12:30 учиши керак бўлган самолёт салкам 5 соатга кечикди.

Бу орада эса 27 январь куни 120 дақиқа қорли майдонда "жанг" қилган Ғаниев, Ҳамробеков, захирадан майдонга тушган Нарзуллаев ва Абдихолиқов яна сарсон бўлишди. Улар ўйиндан кейин деярли дам олишмаган, бунга фурсат ҳам бўлмаганди. "Ал Файсали" вакиллари ҳам аэропортда анча асабийлашишди, Қаршига белгиланган вақтда боролмаганлари туфайли машғулотни ҳам, матбуот анжуманини ҳам ўтказиб юборишди. Жамоанинг режими бузилди. Камида аэропортда сайтимиз орқали Қаршидаги об-ҳаво ва "Марказий" стадиондаги қалин қорни кўриб ажабланишди.

Биз эса чемпионлар билан анча суҳбатда бўлдик. Шуни таъкилаб ўтиш керакки, улар тунда халқимиз чемпионларни ажойиб кутиб олганидан сармаст эдилар. Ҳамробеков, Ғаниев, Абдихолиқов ва Нарзуллаев бундан тантанали ва файзли кутиб олишни ҳатто тасаввур ҳам қилмаганликларини айтишдан чарчашмади. Бобир Абхолиқов эса ҳаяжонланиб, ёшлигимда айнан шундай онлар бўлишини орзу қилардим. Бу орзуим амалга ошди, дея қувониб айтиб бераётганди. Улардан эса табиийки эртанги баҳсда майдонга тушишга тайёрмисизлар деб сўраганимизда, улар бир овоздан ҳа, деган жавобни беришди.

Чарчоқчи десам, ака ҳозир чарқоқ ҳаёлга ҳам келмаяпти. Ватанимиз шаънини муносиб ҳимоя қилдик, энди клубимиз "Насаф"га муҳим баҳсда ёрдам беришга тайёрмиз, дейишди. "Пеле", яъни Бобир Абдихолиқов "Ал Файсали"га қарши ўйинни интиқлик билан кутганини, гарчи рейс чўзилиб, машғулотларга улгурмаган бўлсада, майдонга тушишга шай эканини алоҳида таъкидлаганди. Азиз Ғаниев эса Жанубий Кореяга урган голидан "Марказий" стадионда ҳам "такрорлаш" нияти борлиги ва буни уддалашга ваъда берганди. Кечаги ўйинда эса бу икки чемпионлар ўз ваъдаларини устидан чиқишди. Одил Ҳамробеков эса ўзидан талаб этилган ўйинни кўрсатди. Янги қурилаётган "Насаф"ни ҳақиқий таянчи эканини исботлади. Дониёр Нарзуллаев ҳам гарчи захирадан майдонга тушган бўлсада, бешинчи голда ўзининг муносиб ҳиссасини қўшди.

Ҳайрон қолганим ва тан берганим, булар шунча чарчоқ, учишлардан кейин ҳам ҳеч нарса бўлмагандек бемалол ўйнашди. Ўйнаганда ҳам шунчаки сон сифатида майдонда қатнашишмади, аксинча учрашувда ҳал қилувчи ролни бажаришди. Яна бир қойил қолганим, қўрқмасдан ваъда беришди ва ўз сўзларининг уддасидан чиқишди. Равшан Ҳайдаров финалдан кейин кийиниш хонасида футболчиларга мурожаат қилиб, бежизга "эркак экансизлар", демаган экан. Буни кеча Ўзбекистон ёшлар терма жамоасидаги футболчилар амалда яна бир бор исботлашди. Бу гаплар қуруқ гаплигича қолиб кетмади. Тўғриси, ҳозир кўпчилик эйфорияда, футболчиларни айтмаса ҳам бўлади. Лекин уларни қанчалик кутишгани, қандай ҳажмдаги ишни бажаришганини бевосита кузатган ҳолда ортиқча бурттиришларсиз бу матнларни самиммий қоралаяпман.

Янги мавсумга тайёргарликни умуман бошқа таркибда ўтказган, ёшлар терма жамоасидаги футболчилар эса жуда кеч жамоа қўшилгани етмагандек, охирги кун ҳам белгиланган вақтда боролмай, бирорта машғулотда қатнашмай, шундоқ бошланғич таркибда майдонга тушиб, учрашув тақдирини ҳал этвориш ҳазилакам иш эмас. Камида жамоа янги, умуман бирга ўйнамаган, танимайдиган футболчилар қўшилган бўлса-я? Қойил, яна бир бор баракалла!

Бежизга учрашувдан олдин Рўзиқул Бердиев чемпион бўлган шогирдлари келишига ва уларни ёрдамига ишонаётганини айтмаган экан. Таркиб борасида танлови қолмаган Бердиев таваккал қилишга мажбур эди. Жамоа бутунлай янги, етакчилар эса деярли ўйин куни жамоага келган пайт Бердиев ўйинга керакли тактикани танлай олди. Ҳали мавсум бошланмагани, жамоага ўйин амалиёти етишмаслиги турган гап эди. Ҳамма жиҳатларни инобатга олган Бердиев, рақибни ўрганиш, таҳлил қилиш жараёнида иорданияликларнинг бўш нуқтаси, яъни ожиз жойини топа олди.

"Ал Файсали" футболчилари гавда жиҳатидан анча йирик ва бақувват бўлишига қарамасдан, жамоа стандарт вазиятлари пайтида позицион хатоларга йўл қўйишини мураббий илғай олди. Натижада дастлабки иккита гол айнан стандарт вазиятидан кейин киритилди. Кейинги гол эса Азиз Ғаниевнинг индивидуаль маҳорати меваси бўлса, тўртинчи тўп Кенжабоевнинг техник салоҳияти пайтида ишланган пенальтидан урилди. Бешинчи голда эса захирадаги ягона чемпионни майдонга ташлаган мураббий бу сафар ҳам адашмади. Дониёр Нарзуллаевнинг чоғ кайфияти ва чемпионлик руҳи бу ўйинда унга ҳам ўз сўзини айтиш имкониятини берди.

Шу ўринда, жуда муҳим пайтда жамоасини муқаррар голлардан сақлаб қолган Санжар Қувватовнинг, жамоага Драган Черан тавсияси билан олиб келинган Славко Лукичнинг ажойиб ўйинини ҳам эътироф этиб ўтиш лозим. "Насаф", аниқроғи Бердиев бу сафар ҳам сифатли легионер танлашда адашмаганини кечаги баҳс кўрсатиб берди. Яхши, савияли легионер биринчи ўйиндаёқ қандай футболчи эканлигини исботлай олади, одатда.

Айни пайтда легионерларни танлашда "Насаф"дан ҳар қанча ўрнак олса арзийди. Легионерлар эътибори билан қарайдиган бўлса, айни пайтда Ўзбекистондаги энг яхши жамоа "Насаф" эканлиги кўриниб турибди. Игорь Голбан ва Драган Черанга ортиқча изоҳ шарт эмас. Славко Лукич эса кечаги ўйини билан барчада илиқ таассурот қолдирди.
Тўп узатиш, тўпни ошириш, тезлик, техника, рақиб футболчиларини 1-2тасини алдаб ўтиш, зарба ва ҳимоядаги интеллекти юқори эканлиги кўринди.

Гарчи таблодаги ҳисоб йириклашиб кетган бўлсада, аслида "Ал Файсали" кутилганидек кучсиз рақиб эмас экан. Жамоа "Насаф"га етарлича қаршилик кўрсатди. Биринчи бўлимда Қувватов жамоани қутқариб қолмаганида, иккинчи бўлим умуман бошқа сценарий остида ўтиш эҳтимоли юқори эди. Айтмоқчи бўлганим, ҳисоб алдамчи. "Насаф" "Ал Файсали"ни рақиб жуда кучсизлиги учун ютмади. Аксинча, жамоанинг ҳозирги ҳолатидан келиб чиқиб тўғри танланган тактика ўз мевасини берди. Дарвоза томон 4 маротаба аниқ зарба йўллаб, 5та гол уриш ҳар доим ҳам насиб этмайди. Қолган кўрсаткичлар бўйича эса "Ал Файсали" устунликка эришди. Ташаббусни рақибга топшириб, ўз кучини кераклича тақсимлаган мураббий бу баҳсда ютди.

Гуруҳ босқичида Бердиев айтганидек, рақиблар янада жиддий ва кучли. Ўйинлар сифатли ва юқори даражада ўтади. Темп ҳам ошади. "Насаф" эса гуруҳ босқичи олдидан таркибини керакли футболчилар билан кучайтириши лозим. Захира ўриндиғини сифатли ва тажрибали футболчилар билан бойитиш талаб этилади. ОЧЛ гуруҳ босқичи учун жамоанинг захираси жуда торлик қилади.

Жуда кучли совуқ ва қордаги аъло кайфият учун "Насаф"га раҳмат айтамиз. Футбол байрами кеча "аждарлар" томонидан давом эттирилди.

Ундан кейинги учрашув ҳақида гапириб ёки ёзиб мухлисларни кайфиятини туширмоқчи эмасман. Биз Қаршидаги баҳсни ёритиш мақсадида боргандик ҳамда ўша ўйин атрофидаги ва учрашувдан кейинги тассуротлар билан бўлишдик. "Пахтакор" учрашувига бошқа ҳамкасбимиз тўхталгани маъқулроқ. Фақат бир нарсани айтишни истардим, "шерлар" бошқа мураббий топишса, бу таркиб билан кўзланган мақсадга эришиш мумкин. Фақат кераксиз ва сифатсиз легионерларни жамоага олиб келган мураббийга ортиғидан кўп ишониб юбормаслик зарурлигини кечаги Қатардаги баҳс кўрсатиб берди. Кимлар "қовун" туширганию, уларни кимлар олиб келгани ҳақида ортиқча гапиришга ҳожат йўқ.

Муҳими, январь ойи футболимиз учун барибир жуда омадли ва сермаҳсул келди. Йилни яхши бошлаб олдик. Айтади-ку, йилни қандай бошласанг, шундай давом эттирасан деб.
Ўзбек футболи учун 2018 йил ажойиб келишига умид қиламиз. Муҳими, старт яхши олинди. Буёғига Суперлигага айланадиган лигамиз "интригаси" мухлисларни шундоқ қувонтириб турса бас. Шундай давом этсак, ажаб эмас келаси йили январда ҳам яна бир катта муваффақиятни нишонласак.

Кўп нарса яхши ниятга ва унга элтувчи йўлга ҳам боғлик.

Муаллиф : Shahboz Beg'amov
Рейтинг: +73   

Фикрлар

+16   
31 янв 15:42:40
SHERZOD
PAXTAKOR RAXBARYATI:
NEGA BUNDAY UYNADILAR AYTGAN UYINCHINI OLDINKI NASAFDAN UYINCHI KERAK DEDING OLDING BU NIMASI
SHOTA ARVELADZE:
MEN ENDI BILDIM PAXTAKORGA RUZIQUL BERDIYEV KERAK EKAN
+15   
31 янв 15:38:14
mr Bakhodir
Nasaf uchun chin yurakdan xursandman o'zbek xalqi doimo shunday quvonib yursin g'alaba muborak vatandoshlar! lekin kecha Marko Simicni sotib olsihganga o'xshadi arablar silagayam shunaqa tuyuldimi?
+13   
31 янв 16:35:54
TILLoCHIK_Neftchi_Margilan
Маколани охири сатрларини йахши йозибсиз. Пахтакор бу сифатсиз лигеонерлари билан хеч нарсага ериша олмеди бу аник!
+9   
31 янв 16:35:19
dr.anonim
Тан олиш керак ҳар йил Қаршининг Насаф клубидан кучли футболчилар кетади, лекин НАсаф ўрнини тўлдириб стабильный чемпионталарда қатнашаверади. Сабаби илдизи боқувват дарахт, хеч қачон қуриб қолмайди ҳар йил тушган барглари урнига янгидан - янги баргларни чиқараверади...
+8   
31 янв 16:34:32
Shahzod_barcelona
Muallif: Shahzod Ergashaliyev
"O'zbekning chempionlari"

Raqibi kimdir u, qilmaydi parvo,
Vatanga fidodir shirin jonlari.
Qo'rqmaydi raqibdan, cho'chimas aslo,
Mard bo'lar O'zbekning chempionlari!
*  *  *  *
Vatan deb tushadi maydonga faqat,
Kurashib o'tadi har bir onlari.
Raqibni ayamas, qilmaydi shafqat,
Yengilmas O'zbekning chempionlari!
*  *  *  *
Kurashmoqlik uchun kutadi navbat,
Yigirma ikkita o'zi sonlari.
Bir imkon bo'lsa ham gol urar albat,
Qaxramon, O'zbekning chempionlari!
*  *  *  *
Bayroqni tushurmay yelkalaridan,
Yurt uchun urilar har bir gollari.
Imkoniyatni olib akalaridan,
Ulg'ayar O'zbekning chempionlari!

Muallif: Shahzod Ergashaliyev
+8   
31 янв 16:26:22
Vodiylik_Muhlis
Eldorbek suyunov Akmal Shoraxmedov Sherzod Azamov Dilshod Raxmatullayov Baxrom Abduraximov bular ketsaxam Nasaf kuchsizlanib qolmadi Qoil Ruziqul oka
+8   
31 янв 15:34:52
Bunyodbek
Nasaf shunchaki chempionatimizdagi saviyasi halolligi oz yoliga qoyilgan yagona jamoa haloli bolsin
+6   
31 янв 15:54:26
Taymurlan
Muhammad Ermatov фойдаланувчининг фикрига жавоб бериш
Al faysali bilan garafani darajasi tengmi?? faysali nari barsa sho'rtandak oynidi
Lekn faysali algarafadan yaxshi oynatda Keca Al garafada taynli imkoniatlar zarbalar bogan togu ikta aniq zarba va gol Xayrulla akayam aytdiyu aniq tepsa boldi yacshiam aniq bormadi deb keca Paxtakor ikinci taymda zor oynadi faqat anu ikta arveladze bilan ucta ici otbketganlar Paxtakordi O'zbekti sharmanda qildi garafa kop vaziatda bollardi ayniqsa lobanobdi ystidan qotti lekn songi 3 minutda ozlari qaltrab qoldi bitta goldan keyn agar simic urganda aniq yutardi faqat garafaga imkon bermasa boldidi varataga tepshga cunki paxtakor darvizabonsiz oynadi
+4   
31 янв 16:32:45
ERKIN-AGENT
Эшитдик-да: лабановни кеча воротада канака турганини курган 5 та клуб уни талашиб судма-суд юрганимиш!
1)МанЮ — Моур айтибдики, агар Де Хеа уз ихтиёри билан кетса-кетди, бумаса кетига тепиб хайдашга тайёрман деганмиш!
2)Барса — Ла-Лигада чемпион булишни кафолати бу лабановни кулга киритиш деб васвасага тушиб коганмиш!
3)Бавария — немис лабанови Нойерни урнига кеча энг муносиб вратарни топганидан огзи кулогидемиш!
4)Юве
5)Челси
+4   
31 янв 16:19:58
Vodiylik_Muhlis
Nasaf muxlislarni Qashqadaryo xalqini chin yurakdan Galaba bilan tabriklayman halol kamanda ozbekistonda No 1 Ruziqulaka malatse Navbaxor muxlislaridan tabrik
+4   
31 янв 15:43:29
Muhiddin ESHMURODOV
Nasaàaaaaaaf uxxu uxxu :):):)
+4   
31 янв 15:34:53
nasaf
Бердиевдан Насафга кучли хужумкор ярим ҳимоячи лигионер олиб келишини истаб қоламиз
+3   
31 янв 19:19:08
Iker Casillas
murad4u фойдаланувчининг фикрига жавоб бериш
SHAXBOZ PAHTAKORNI YOZ
Ko'tingga kirvottimi Paxtakor sani gnida
+3   
31 янв 16:40:22
Насафлона
ManUnited фойдаланувчининг фикрига жавоб бериш
Ха полний насафи сотволамизаде Кейн хаммаси заменада чириди.
Aka polniy nasafni sotib olsalarizam,zaxirada chiritsalarizam,barbir Laban darvozasiga tõp sig'adigan teshik qolsaham gol bõlaverarkanda.ÕZBEKISTON terma jamoasi ishongan varatari.(asl paxtakor muxlislari uzur)
+3   
31 янв 16:24:43
Mash'al-1984
ManUnited фойдаланувчининг фикрига жавоб бериш
Ха полний насафи сотволамизаде Кейн хаммаси заменада чириди.
Бундан ким ютади. Пахтакорми ёки футболчиларми. Кеча кўрдик Пахтакордаги ўйинини собиқ Насафчиларнинг. Насаф эса ютқазмади. Шорахмедовга ўринбосар бор. Азиз Бахром йўқлигини билдирмади.
championat.asia
< сўнгги янгиликларни кўриш

Энг яхшилар

"Миллий"да ўйнай олмаётган миллий терма жамоа "Миллий"да ўйнай олмаётган миллий терма жамоа
Стадион олдида қабристон, стадион ҳайдовчилар пулига қурилган,...  74
ВИДЕО АНОНС. Эртага Тошкент дербиси. Чемпионлик баҳсига марҳамат! ВИДЕО АНОНС. Эртага Тошкент дербиси. Чемпионлик баҳсига марҳамат!
Эртага, 20 октябрь куни Ўзбекистон Суперлигаси 26-тури доирасида...  69
Суперлига. "Насаф" Олмалиқда ғалаба қозонди Суперлига. "Насаф" Олмалиқда ғалаба қозонди
Суперлиганинг 26-туридан ўрин олган АГМК - "Насаф" учрашуви ...  60
������.�������

CA ни Facebook да ўқиш
учун "Yoqdi"ни босинг