"Don Balon" хабарига кўра, "Валенсия"нинг таянч ярим ҳимоячиси Жоффре Кондогбиа Лондоннинг "Тоттенхэм" клуби қизиқишлари доирасига тушиб қолган. "Шпорлар" ярим ҳимоясини кучайтиришни мақсад қилган Моуриньюнинг шахсан ўзи 27 ёшли француз билан шартнома имзоланишини хоҳламоқда.
Таъкидланишича, "Тоттенхэм" аллақачон Кондогбиа борасида "Валенсия"га сўров юборган. "Кўршапалак"лар ўз футболчисини 25 миллион фунт эвазига қўйиб юборишга розилигини билдирган.
Маълумот учун, Жоффре Кондогбия жорий мавсум Ла Лигада 17 ўйинда майдонга тушиб, битта гол урган.
