"Axmat" sobiq ustozi Andrey Talalaev "Torpedo" bosh murabbiyi etib tayinlandi.
Moskva klubi ayni paytda 6 ochko bilan Rossiya Premer-ligasida so'nggi pog'onani egallab turibdi. Jamoa 15 oktyabr kuni 14-o'rindagi "Lokomotiv"ga qarshi bahs olib boradi.
Eslatib o'tamiz, "Torpedo" safida O'zbekiston terma jamoasi yarim himoyachisi Hojimat Erkinov to'p tepadi. U ushbu mavsum jamoa safida 11 ta o'yinda maydonga tushib, 589 daqiqa harakat qildi.
