- Bu jarohatni qachon olgan edingiz?
- O'zbekiston olimpiya terma jamoasi safida Dubaydagi yig'inda olgandim. Biroq og'riqlarga chidab o'ynab yurgandim.
- Nega aynan Moskvada operaciya qildirishga qaror qildingiz?
- Aslida Germaniyaga bormoqchi edim. Biroq Dilshod Rahmatullaev va Otabek Haydarov kabi futbolchilar menga Moskvani tavsiya qilishdi. Operaciyani o'tkazishda "Oq-tepa" jamoasi rahbari G'anisher Shog'ulomov hamda "Oq-tepa" jamoasi boshlig'i Vladimir Gavrilov moliyaviy tomondan yordam berishdi. Shu insonlar barcha sarf-xarajatlarni ko'tarishdi. Ularga chuqur minnatdorchiligimmi bildiraman.
- Operaciya qanday o'tdi?
- Yaxshi bo'ldi barchasi. 2 soatdan ortiqroq operaciya qilishdi. Hozir ancha yaxshiman va yurishni ham boshladim.
- Hozir ahvolingiz qanday?
- Aytganimdek barchasi yaxshi. O'zimni yaxshi his qilayapman, og'riqlar asta sekin kamaymoqda.
- Tiklanish jarayoni qancha oyni talab qiladi?
- Menimcha 2 oydan keyin umumiy guruhda shug'ullansam kerak.
- Temur Hakimov mavsumning birinchi qismini o'tkazib yuboradimi?
- Yo'q. Agar tiklanish jarayoni yaxshi kechsa dastlabki 4ta turdan so'ng maydonga tushishga tayyor bo'laman. Umid qilamanki birinchi davrada o'ynayman.
- Ayni paytda erkin agentsiz. Mavsumni qaysi klubda boshlaysiz?
- Hozircha mavsumni qaysi jamoada boshlashim noma'lum.
- Faoliyatingizni qaysi jamoada davom ettirishingizga qachon oydinlik kiritasiz?
- Toshkentga borishim bilan.
- Moskvadan qachon qaytasiz?
- Xudo xohlasa 5 fevral, yakshanba kuni Toshkentda bo'laman.
