Mavsum bir tekisda o'tkaza olmayotgan ikki jamoaning uchrashuvi qiziq kechishi aniq.

Jamoalarning holati va natijalar

Olmaliqliklar mavsumni yaxshi boshlashdi ammo, kerak bo'lmagan va kutilmagan uchrashuvlarda ochko yo'qotishi jamoaning jadvalda egallab turgan o'rnini ko'rsatib turibdi. Qosimov shogirdlari joriy mavsum Superliga doirasida 7ta uchrashuvda: 3ta g'alaba, 1ta durang va 3 marotaba mag'lub bo'lishdi. Musobaqa favoritlaridan biri "Navbahor"ni mag'lub etgan "OKMK", so'ngi turda amaldagi chempion "Paxtakor"ga alamli tarzda mag'lub bo'ldi. "OKMK" uchun noxush ananaga aylanib borayotgan "Metallurg" bilan uchrashuvda esa jamoa yana mag'lub bo'ldi hisob 2:0 va mavsum boshida "Bunyodkor"dan uchralgan mag'lubiyat jamoaning natijalariga ancha katta tasir o'tkazdi. "OKMK" musobaqa jadvalida yo'qori o'rinlarda emasligini bir chetga surib, o'yin suratini va tarkibga ko'z tashlaydigan bo'lsak, jamoa chempionatimizdagi eng yorqin va eng yaxshi tarkibga ega jamoalardan biri. "OKMK" ishtirokidagi o'yinlarni ko'rgan muxlis zerikib qolmasligi aniq.

"Qizilqum" jamoasi esa mavsumni yaxshi boshlay olmadi va joriy mavsum superligani tark etish uchun asosiy davogarlardan biri. Jamoa 9chi turga qadar bor yo'g'i 1ta g'alaba va 2ta durang qayd etdi va musobaqa jadvalida 13 pog'onani egallab turibdi. Bunday natijalarning sababi esa jamoaning qishki transferlar oynasida etarlicha "aktiv" bo'lmagani, "Qizilqum" joriy mavsumdagi milliy chempionatimizdagi eng kuchsiz tarkibga ega bo'lgan jamoa. "Qizilqum" jamoasi joriy mavsum superligada bor yo'g'i 3ta gol urdi va ushbu ko'rsatkichning o'zi jamoadagi o'yin jihatida kamchiliklar borligini anglatadi. Jamoa natijalari tez orada yaxshilanmasa jamoa bosh murabbiyi Asror Aliqulov istefoga chiqarilishi aniq.

O'zaro o'yinlar

"OKMK" va "Qizilqum" jamoalari o'z tarixida milliy chempionatimiz doirasida jami 32 marotaba to'qnash kelishgan, 32ta uchrashuvning 14tasida Olmaliqliklar g'alaba qozongan bo'lsa, 13 marotaba "Qizilqum" uch ochkoni qo'lga kiritgan va jamoalar 5 marta murosa ko'chasini tanlashgan. "OKMK" navoiyliklar darvozasini 54 marta ishg'ol etgan bo'lsa, "Qizilqum" esa 44 marotaba javob qaytara olgan.

So'ngi uchrashuvlar

2022.08.10
"OKMK" 0:1 "Qizilqum"
Gol: 9" Tolmasov
Chetlatish: 54" Stanisavlevich

2022.05.11
"Qizilqum" 1:4 "OKMK"
Gollar: 45" Boake, 54" Raxmonov, 55" Komolafe, 83" Haqnazariy, 90" G'iyosov(penalti)

2021.09.21
"Qizilqum" 0:0 OKMK

2021.06.21
OKMK 1:2 "Qizilqum"
Gollar: 29" Grigalashvili, 34" Yo'ldoshev, 46" Boydullaev

2020.09.26
OKMK 2:1 "Qizilqum"
Gollar: 11" Sanaev, 68" Jokich, 90" Polvonov

Ustunlik va kamchiliklar

"OKMK" jamoasining joriy mavsum superliga klublari orasida eng sifatli o'yin namoyish etayotgan jamoalardan biri. Jamoa har bir uchrashuvda o'rtacha raqib darvozasi tomon 8,6ta aniq zarba yo'llaydi. "OKMK"ning yana bir ustunlik jihati bu tarkib. Jamoa tajribali futbolchilardan tashkil topgan va har bir poziciyada raqobat bor. Qosimov shogirdlari tarkib bo'yicha ham superliganing "top" jamoalar ro'yxatiga qiradi. "OKMK"ning kuchsiz jihatlariga keladigan bo'lsak, ushbu mavsum "OKMK"da himoya bo'yicha muammolar bor. Jamoa faqatgina "Olimpik"ga qarshi kechgan uchrashuvda o'z darvozasi daxlsizligini saqlab qola olgan, olmaliqliklar joriy mavsum 11ta gol urishga erishgan bo'lsa, 11 marotaba to'p o'tkazib yuborgan. Jamoada darvozabonlar ham "stabil" emas Valijon Rahimov va Botirali Ergashev kabi tajribali darvozabonlar joriy mavsum o'z darajasidagi o'yinni namoyish eta olishmayotgandek guyo.

"Qizilqum" jamoasini ligada jon saqlash uchun kurashar ekan, jamoa muammolar girdobida qolib ketgan. "Qizilqum" joriy mavsum eng kam gol urgan jamoa hisoblanadi, 8ta uchrashuvda navoiyliklar bor yo'g'i 3 marotaba raqib darvozasini ishg'ol etishgan. Jamoaning asosiy kamchiligi bu tarkib. Qishki transferlar oynasida navoiyliklar, o'tgan mavsum jamoani tark etgan futbolchilar o'rnini to'ldirishmadi. Amalga oshirilgan transferlar esa hozircha o'zini oqlamayapti. Qishda jamoani tark etgan: Temurxo'ja Abduholiqov, Oleg Zoteev, Aleksandr Stanisavlevich, Ignatiy Nesterov, Shuhrat Muxammadiev, Sanjar

Shoahmedovlarning o'rnini bosa oladigan futbolchi topilmadi va shu sabab jamoa musobaqa jadvalining so'ngi pog'onalarida bormoqda.

Xulosa

Bugungi uchrashuvda yaqqol favorit "OKMK", olmaliqliklar kuchli beshlikni taqib qilishda davom etishmoqchi va bugungi uchrashuvdagi uch ochko, Qosimov shogirdlariga musobaqa jadvalidagi "lider"lar bilan bo'lgan farqni qisqartirishga yordam beradi. "Qizilqum"ning imkoniyatlari juda past, jamoaga faqatgina qizil kartochka yoki raqib jamoaning asosiy futbolchilarining jarohat olishi yordam berishi mumkin xolos. "Qizilqum" bugungi uchrashuvda o'z darvozasidan kamida 3ta to'p olib chiqadi.

Imkoniyatlar: 70%:30% "OKMK" foydasiga.

Abdulvosit Bektemirov tayyoladi

Superliga. "OKMK" - "Qizilqum" (PREVYU)