UZ

Сўнгги янгиликлар

16:36Роналдо Эндрикнинг "Реал"даги истиқболига баҳо берди  0 16:11"Испания Еврони ҳақли равишда ютди" — Бензема  0 15:49Бонуччи Калафьорининг "Арсенал"га ўтаётганидан афсусда  1 15:27"Бавария"нинг молиявий аҳволи оғирми?  6 15:00ПСЖ Санчо бўйича таклиф билан чиқди  1 14:37"Навбаҳор" Александр Лобанов билан хайрлашди  16 14:11Меринонинг келажаги яқин орада ҳал бўлади  2 13:47"Барселона" Фати билан хайрлашмоқчи эмас  4 13:23"Арсенал"нинг икки ҳимоячиси мавсумолди тайёргарликни ўтказиб юборади  1 12:58Расман: "Арсенал" "Аякс" дарвозабони билан шартнома имзолади  1 12:33"Сурхон" назорат ўйинида "Олимпик"дан устун келди  4 12:10"Манчестер Юнайтед" 26 ўйинда 32 та гол урган "Арсенал" ёш футболчисига қизиқмоқда  3 11:46Эшитдик-да! "Навбаҳор" қизиқаётган футболчига "Насаф" ҳам таклиф билан чиқди  21 11:30Хорватия термаси ҳимоячиси миллий жамоадаги фаолиятини якунлади  1 11:10Париж-2024. Рекордлар ва статистика  5

Суперлига. Биринчи давранинг 5 кашфиёти Янгиликлар

Суперлига. Биринчи давранинг 5 кашфиёти

Суперлига яшил майдонларини ёндирган ёш футболчилар ҳақида.

Аввалги мавсумда бўлгани каби футбол жамоатчилиги жорий йилда ҳам бир қатор янги номларга гувоҳ бўлишди. Мураббийлар томонидан билдирилган ишончни қайсидир маънода оқлашга ҳаракат қилишди. Ўз клубидаги ўйинлари билан терма жамоадан ҳам чорлов олганларни кўрдик. Қуйида шу ҳақида гап боради. 

1. Хондамир Мустафоқулов ("Сўғдиёна")

Иван Бошкович Жиззахда янги номларни кашф қилишда давом этмоқда. Ўтган йили у Самандар Мавлонқулов, Самандар Синдоров, Миржалол Абдумуталов каби футболчиларга асосий таркибда ишонч билдирган эди. Жорий мавсумда эса яна бир футболчи, 2003 йилда туғилган Хондамир Мустафоқулов "Сўғдиёна"да Суперлигада дебют қилди. Черногориялик мутахассис унга 10 та ўйинда имконият берди, Хондамир 13-турда "Динамо" дарвозасига дебют голини урди. Бу футболчидан ташқари Отабек Ахадовни ҳам айтиб ўтишимиз мумкин. Лекин Ахадов кўпроқ қизил карточкаси билан ёдда қолди. Умид қиламизки, у иккинчи даврада ўзини кўрсата олади. 

2. Ислом Маматказин ("Андижон")

Ислом Маматказин ўтган мавсумдан"Андижон" асосий таркибида кўриниш беришни бошлаганди. Жорий мавсумда эса у янада ёрқинроқ ўйин кўрсатмоқда, Хомяков унга кўпроқ имконият тақдим қиляпти. Ҳимоячи бўлишига қарамасдан 11 та ўйинда майдонга тушди ва рақиблар дарвозасига 3 бор йўл топди. Унинг голлари "Насаф", "Локомотив", "Бунёдкор" билан учрашувларда муҳим очколарни қўлга киритилишида ёрдам берди. Айрим паллаларда қизил карточка олиб жамоасини қийин аҳволга солиб қўйганини ҳисобга олмаса ўзидан ёмон таассурот қолдирмади дея оламиз. Маматказиндан иккинчи даврада янада яхшироқ кўрсаткичлар кутиб қоламиз. 

3. Абдуллоҳ Йўлдошев ("Локомотив")

"Локомотив" таркибида биринчи даврада битта эмас, бир нечта ёш тўп тепарлар ҳаракат қилди. Улар орасида Абдуллоҳ Йўлдошев нисбатан ажралиб турди дейишимиз мумкин. 2003 йилда таваллуд топган Йўлдошев биринчи даврадаги барча 13 та ўйинда майдонга тушди ва шуларнинг 10 тасида бошланғич таркибдан жой олди. Курашга қўшилишдан қўрқмаслиги, керакли паллада олдинга ўтиб ҳам ёрдам бериши ва юқори темпда ҳаракат қила олиши унинг устун томони ҳисобланади. Абдуллоҳ бу йил Суперлигада дебют қилди ва жамоасининг муҳим бўлагига айланди. 

4. Муҳаммадали Усмонов ("Пахтакор")

Катта номлар ва легионерлардан секин-аста воз кечаётган "Пахтакор" кўпроқ урғуни ўз тарбияланувчиларига қаратаётгани барчага маълум. Мавсум бошидаги бир нечта омадсиз натижалар фонида яхши томони ёшлар ўзини кўрсатишни бошлаб юборди. Муҳаммадали Усмонов ҳам бошқа жамоадошлари сингари Шацких томонидан имкониятга эга бўлди. 2023 йил Суперлигада дебют қилган Усмонов бу мавсум биринчи даврада 11 та баҳсда тўп тепди ва 2 та гол урди. 20 ёшли ярим ҳимоячи "Олимпик"ка ғалаба голини урган бўлса, яна битта тўпни меҳмонда "Андижон" дарвозасига киритди. 

5. Рустам Турдимуродов ("Андижон")

Александр Хомяков матбуот анжуманларида ҳужумдаги муаммолар ҳақида бонг ураётган паллада июнь ойида катта саҳнага Рустам Турдимуродов кириб келди. Мавсум аввалида захирада қолаётган ҳужумчига Хомяков сўнгги 4 та ўйинда тўлиқ ишонч билдирди ва бу қарор ўзини оқлади. Турдимуродов бу ўйинларда "Қизилқум" дарвозасига 2 та, "Навбаҳор"га 1 та гол урди. Айнан наманганликларнинг мағлуб бўлиши ортидан Самвел Бабаян истеъфосини эълон қилди. Турдимуродов иккинчи даврани ҳам "Андижон"да ўтказади. Бундан келиб чиқиб айтганда ўзини кўрсатиши учун яна имконият бўлади. 

Муаллиф : Iskandarov Abdulaziz
Рейтинг: +3   

Фикрлар

+2   
04 июл 15:24:27
Tohir P
Andijonni so'ngi o'yinlarda tushgan xujumchisiga gap yo'q
+2   
04 июл 14:54:00
Burxon
Paxtakori uzb futbolga nma foydasi bor dganla uchun, hamasi paxtakor akademiyasidan chiqqan, bunaqala tiqilib yotipti,
+2   
04 июл 14:21:06
Ифтихорим
Хаммаси пахтакор тарбияланувчиларику зур
+1   
04 июл 17:09:35
Aziz Yuldashev
Fanat_Euro_football фойдаланувчининг фикрига жавоб бериш
Bektemir qani?
Ёшлар дейиляпти, шулар билан тенгдошми Бектемир?
+1   
04 июл 17:08:57
Aziz Yuldashev
Jamshid Abdusamadov фойдаланувчининг фикрига жавоб бериш
Маматказин лойик бунга. Колгани булмиди айникса Усмонов.
Усмонов майдонда қандай фойдали харакатлар амалга ошираётганини кўрмаган бўлсангиз билмадим энди қандай қилиб фикр қолдирдингиз бу мавзу остида оғайни
   
05 июл 17:21:46
BarsAndijon
Куз тегмасин Рустам Турдимуродов 1--2йилда топ хужумчига айланади
   
05 июл 01:30:51
Fanat_Euro_football
Aziz Yuldashev фойдаланувчининг фикрига жавоб бериш
Ёшлар дейиляпти, шулар билан тенгдошми Бектемир?
Bektemir Abdumannonov (2000-yil 25-sentyabrda tugʻilgan) – oʻzbekistonlik futbolchi, hozirda Oʻzbekiston Superligasi „Andijon“ klubida yarim himoyachi sifatida toʻp surmoqda. Uning bozor qiymati 300 ming yevroga baholanmoqda. Hali 24 ga tolmagan
   
04 июл 20:53:34
Salah Muhammad
Burxon фойдаланувчининг фикрига жавоб бериш
Paxtakori uzb futbolga nma foydasi bor dganla uchun, hamasi paxtakor akademiyasidan chiqqan, bunaqala tiqilib yotipti,
Пахтакорни академияси га ҳали хечким гап қимади шекилли пойтахт бўлгандан кейин чиқарсинда кўрсатсин академия лар фойдасини Тошкент да шундоқ академия лар туриб ҳеч ким эьтибор бермайдиган қишлоқлардан чиқсинми Кейин ЭНГ ёмон лига битта команда чемпион бўлаверадиган лига Шунинг учун футбол га эьтибор ни ҳамма камандага бирдай қилиш керак 4. 5 команда чемпионлик учун курашса алмашиб алмашиб чемпион бўбтурса Шунда қизийдида лига Футболам ривожланади и кучаядиКўргингам келаверади
   
04 июл 20:06:05
Алёш ака
Муроджон Рахматов қани
   
04 июл 14:14:14
Рахматилло Исманов
Маматказин ва Турдимуродов Андижонда зур очилишди!
-1   
04 июл 14:39:20
Fanat_Euro_football
Bektemir qani?
-6   
04 июл 14:24:31
Jamshid Abdusamadov
Comment is hidden (Show comment)
Маматказин лойик бунга. Колгани булмиди айникса Усмонов.
championat.asia
< сўнгги янгиликларни кўриш
Яндекс.Метрика