Шуҳрат Мақсудов: "Ҳакамлар ҳақида мавсум давомида гапирмадим..."
24 ноя 2021 21:06
Янгиликлар

Шуҳрат Мақсудов: "Ҳакамлар ҳақида мавсум давомида гапирмадим..."

Ўзбекистон Coca-Cola кубоги ярим финал босқичидан ўрин олган "Пахтакор" - "Бунёдкор" учрашувидан сўнг меҳмонлар бош мураббийи Шуҳрат Мақсудов матбуот анжуманида иштирок этди.

Ўйин ҳақида

- Жамоамга эътироз йўқ. Йигитларга ўйин учун раҳмат айтдим, кийиниш хонасида уларни руҳлантирдим. "Пахтакор" жуда кучли жамоа, буни ўйинда ҳам кўрсатиб беришди. Таркибида халқаро майдонларда ҳаракат қилган тажрибали футболчилари бор. Бундан ташқари "Пахтакор"да ўзим ўйнаганман, шу клубда ном қозонганман. Шу сабабли бугунги мағлубият менга далда бўлиб турибди.

Бизнинг футболчилар яхши ҳаракат қилишди. Яна бир бор "Пахтакор"ни ғалаба билан табриклайман. Пенальтилар серияси бу - лоторея. Ушбу лотореяда биз ютқазиб қўйдик.

- Ўйиндаги ҳакамлик ҳақида фикрингиз қандай? Улар ўйин натижасига таъсир кўрсатадиган қарорлар қабул қилишмадими?

- Ҳакамлар ҳақида мавсум давомида умуман гапирмадим. Бу борада бир марта "емаган сомсам учун" пул тўлаб бўлдим. Уларни назорат қилувчи қўмита бор. Жуда қўймасангиз айтаман, бугунги ўйиндаги ҳакамлик учун эътирозим йўқ. Акобирхўжа Шукуриллаев яхши инсон ва унга омад тилайман.

Ҳавола :

Манба : championat.asia

Янгиликларни Телеграмда ўқинг!

Рейтинг: +6