"Sho'rtan"ga futbolchilar kelishi davom etadi

21 yanv 2015, 11:48
Toshkentda yig'in o'tkazayotgan G'uzorning "Sho'rtan" jamoasi safiga futbolchilar kelib qo'shilishi davom etadi.
Tarkibni kuchaytirishga harakat qilayotgan Muxtor Qurbonov jamoasi safiga yangi futbolchilar kelib qo'shildi.
Jumladan kecha jamoa lageriga "Nasaf" futbolchisi Laziz Ubaydullaev ham qo'shildi. Undan tashqari "Olmaliq"ning sobiq legioneri Darko Stanovich ham mashg'ulotlarni boshladi. "Lokomotiv" safidan esa darvozabon Temur Jo'raev, Sherzod Sharipov, Rustam A'zamovlar kelgan.

"Sho'rtan" ertaga 10:30 da "Obod" stadionida "Qo'qon-1912"ga qarshi nazorat bahsini o'tkazadi.

Manba: championat.asia