UZ

Шоҳруз Норхонов: "Бугун кучли хоҳиш эвазига "Пахтакор"дан уч очко олдик" Янгиликлар

Шоҳруз Норхонов: "Бугун кучли хоҳиш эвазига "Пахтакор"дан уч очко олдик"

Бундан бир неча соатлар олдин Coca Cola Суперлига 4-туридан ўрин олган "Суғдиёна" ва "Пахтакор" жамоалари ўртасидаги учрашув ўз ниҳоясига етди.

Кескин руҳда кечган баҳсда "Суғдиёна" 1:0 ҳисобида "шерлар"ни мағлубиятга учратди ва жорий мавсумдаги илк ғалабасини нишонлади. Беллашувдан сўнг эса ўйин қаҳрамони Шоҳруз Норхоновнинг фикрларини билдириб ўтди.

"Ғалаба билан жамоадошларимни ва жиззахлик мухлисларни табриклайман. Бугун қўлга киритган ғалабамиз бизга кейинги турларда қўшимча куч ва ишонч беради. Менимча, бугун жамоамизда ғалабага бўлган хоҳиш ва иштиёқ юқори эди, муваффақиятдаги бош омил ҳам шу. Буни майдонда ўз ўйинимиз билан исботладик деб ўйлайман. Барча жамоадошларимни ёрдами ва захирадаги футболчиларнинг ишончи ҳам уч очкони қўлга киритишимизда муҳим аҳамият касб этди. Дастлабки учта турда салбий натижалар қайд этиб ишқибозларимизни ранжитиб қўйгандик. Шунинг учун бугун ҳар қанақасига ғалаба қозонишимиз зарур ҳисобланарди. 

Олдинги чизиққа ўтганимдан сўнг ўзимни эркин ҳис қилдим. Голли вазиятлар кўп бўлди. Ҳаво ҳарорати иссиқлиги боис биринчи бўлимда қийналдик. Иккинчи бўлимда гол урганимиздан сўнг босим йўқолди. "Пахтакор" амалдаги мамлакат чемпиони ва кубок соҳиби. Уларга етарлича қаршилик кўрсатдик ва имконият қолдирмадик",- дейди Шоҳруз Норхонов.

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика