UZ

Сўнгги янгиликлар

02:44ЕВРО-2020 саралаши. Франция, Туркия ва Исландиядан ғалабалар  0 02:07ЕВРО-2020 саралаш босқичида энг кўп гол урган футболчи ва жамоани биласизми?  2 01:13Роналду "Ювентус" раҳбариятидан МЮ футболчисини сотиб олишни сўради  18 00:35"Бавария" Нойерга ўринбосар топди  2 00:00Англия ва Болгария терма жамоалари ғалаба қозонишди  18 23:42"Кристал Пэлас" "Селтик" ҳужумчисига даъвогарлик қилмоқда  0 23:10"Рома"ни бир қатор етакчилар тарк этади. Клуб харажатларни камайтирмоқчи  0 22:45Кесси учун янги даъвогар пайдо бўлди  3 22:30Сульшерга Перейра керак  1 22:18"Dubai Cup-U23". Ўзбекистон БААга имкониятни бой берди  85 22:16TMW: Ван де Беекнинг кейинги манзили аниқ  9 22:09Фарғона вилояти кубоги. “Дўстлик” “Цементчи”ни мағлуб этиб финалга йўл олди  7 21:50Бразилия терма жамоаси аъзоси жароҳат олди  1 21:25Евро-2020 саралаши. Англия ва Чехиянинг асосий таркиблари маълум  0 21:10Роналду терма жамоа сафида яна гол урди. Жаҳон рекордига эса 10 та гол қолди  61

Шавкат Мирзиёев Мираброр Усмонов оиласига таъзия билдирди Янгиликлар

Шавкат Мирзиёев Мираброр Усмонов оиласига таъзия билдирди

Мамлакатимиз жамоатчилиги жудоликка учради.

Ўзбекистон Республикаси Олий Мажлиси Сенати аъзоси, давлат ва жамоат арбоби Мираброр Усмонов шу йил 15 март куни оғир хасталик туфайли вафот этди. 

Президент Шавкат Мирзиёев марҳум хонадонига ташриф буюриб, рафиқаси ва фарзандларига ҳамдардлик билдирди.

Мираброр Зуфарович Усмонов 1947 йилда Тошкент шаҳрида туғилган. Кўп йиллар иқтисодиёт, савдо ва хизмат кўрсатиш соҳаларида турли лавозимларда самарали фаолият олиб борган, 1994-2005 йилларда эса Ўзбекистон Республикаси Бош вазири ўринбосари сифатида истеъмол моллари ишлаб чиқариш ва савдо тармоқларига раҳбарлик қилган. 

М.Усмонов Ўзбекистон Республикаси Олий Мажлиси Сенатидаги кўп йиллик фаолияти давомида билими, катта ҳаётий тажрибаси билан қонунлар ишлаб чиқилишида фаол иштирок этди. Ўзбекистон Миллий Олимпия қўмитаси президенти сифатида мамлакатимизда спортни ривожлантиришга катта ҳисса қўшди. 

Мираброр Усмоновнинг кўп йиллик самарали меҳнати давлатимиз томонидан муносиб тақдирланиб, “Меҳнат шуҳрати”, “Фидокорона хизматлари учун”, “Эл-юрт ҳурмати” ва “Дўстлик” орденлари ҳамда “Ўзбекистон Республикасида хизмат кўрсатган ёшлар мураббийси” фахрий унвони билан мукофотланган эди.

Давлатимиз раҳбарининг марҳум хонадонига ташрифи халқимизга хос олижанобликнинг, мамлакат ривожига ҳисса қўшган инсонларга эҳтиромнинг яна бир ифодаси бўлди. Қуръон тиловат этилиб, марҳумнинг ҳақига дуо қилинди.

Президентимиз марҳумнинг эзгу ишларини ёдга олди.

– Мираброр Усмонов мустақиллигимизнинг оғир-енгил кунларини тортган, халқимизга, Ватанимизга катта хизматлар қилган улуғ инсон эди. Одамларга қўлидан келганча яхшилик қиларди. Оиласига, юртига, давлатга садоқатли эди. Кейинги пайтларда соғлиги яхши бўлмаса ҳам Сенатнинг ҳамма мажлисларида қатнашишга ҳаракат қилди, фойдам тегсин дерди, – деди давлатимиз раҳбари. 

Таъзияга йиғилганлар Президентимизга миннатдорлик билдирди.

Рейтинг: +54   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг