“Мен уни жамоани тарк этгунига қадар сафимизда чин дилдан ҳаракат қилишига шубҳа қилмайман. У олдимизга қўйилган мақсадга эришимиз учун бор кучи билан ҳаракат қилишига ишонаман. У спорт формасига кириб олишини айтди, мен эса унинг камроқ ёки кўпроқ майдонга тушишини ҳал қиламан”, дея Сетьеннинг сўзларидан иқтибос келтирмоқда Marca.
Эслатиб ўтамиз, футболчининг трансфери 72 миллион еврони ташкил этди. Трансфер 2019/2020 йилги мавсум расман якунланганидан сўнг амалга ошади.
Артур 2018 йилда “Гремио”дан “Барселона”га кўчиб ўтганди. Унинг трансфери учун каталонияликлар 31 миллион евродан воз кечишганди. 23 ёшли хавбек Испания чемпионатида 21 та учрашувда майдонга тушиб, учта гол урди ва учта голли узатмани амалга оширди.
