"Seongnam" "Seul"ga yirik hisobda yutqazib qo'ydi

Narzulla Saydullayev
8 iyul 2013, 11:22
Kecha Janubiy Koreya K-ligasida 17-tur o'yinlari bo'lib o'tdi.
Hamyurtimiz Server Jeparov to'p tepayotgan "Seongnam Ilva Chunma" klubi safarda "Seul"ga qarshi o'ynadi. O'yinda Jeparovning sobiq klubi yirik g'alabaga erishdi - 3:0. Serverning o'zi mehmonlar safida asosiy tarkibda maydonga tushdi va 49-daqiqada almashtirildi. "Seongnam" ayni paytda 25 ochko bilan 14 jamoa orasida 8-o'rinda bormoqda. Klub keyingi o'yinni 10 iyul kuni Koreya Futbol Assosciaciyasi kubogi 1/8 finali doirasida "Poxang Stilers"ga qarshi o'z maydonida o'tkazadi. 

"Seul" - "Seongnam Ilva Chunma" 3:0
Gollar
: Kim Jin Kyu 20 penalti, Molina 41, Yun Il Lok 63.

Narzulla SaydullayevMuallif
Manba: championat.asia