Сарри: "Европа лигаси финалида "Наполи" билан ўйнашни истардим"
15 мар 2019 10:23
Янгиликлар

Сарри: "Европа лигаси финалида "Наполи" билан ўйнашни истардим"

"Челси" бош мураббийи Маурицио Сарри Киевнинг "Динамо" клубига қарши бўлиб ўтган Европа лигаси 1/8 финал жавоб ўйини (5:0) ҳақида фикр билдирди.

"Ўйинни яхши бошладик. Илк дақиқаларда гол урганимиз туфайли рақиб қийин аҳволга тушиб қолди. Биринчи бўлимни ажойиб ўтказдик. Танаффусдан кейин учрашувни керакли натижа билан якунладик.

Жиру? У жуда яхши ҳаракат қилди. Сўнгги вақтларда унинг ҳар бир майдонга тушиши жамоага фойда келтирмоқда. Оливье ушбу турнирда 9та гол уришга улгурди. У учун хурсандман.

"Наполи"? Улар билан финалда ўйнашни хоҳлардим. Неаполни яхши кўраман, шу сабабли бу шаҳарда ўйнаш менга қийин бўларди.

Айни дамда "Динамо"нинг муаммоси жисмоний ҳолатда. Бир неча йил ўтиб улар кучлироқ жамоага айланиши мумкин, аммо ҳозир жамоа жуда ҳам ёш" - дейди Сарри.

Шундай қилиб, "Челси" Европа лигаси 1/4 финалига чиқди. Бу босқич қуръаси бугун, 15 март куни бўлиб ўтади.

Ҳавола :

Манба : chelseafc.com

Янгиликларни Телеграмда ўқинг!

Рейтинг: +4