"Real"ga qarshi Chempionlar ligasi 1/8 final uchrashuvidan (1:3) so'ng "Napoli" prezidenti Aurelio De Laurentis jamoa bosh murabbiyi Sarrini tanqid qildi. Ma'lumotlarga ko'ra, kelishmovichilik "Palermo"ga qarshi bahsdan (1:1) keyin kelib chiqqan edi. O'shanda De Laurentis Sarrini futbolchilarga noto'g'ri ko'rsatma berishda ayblagan. Shundan so'ng 58 yoshli mutaxassis jamoani tark etish bilan qo'rqitgan.
Sarri bilan birga sport direktori Kristiano Gvintoli ham "Napoli"ni tark etishga tayyor. Mauricio Sarrining "Napoli" bilan shartnomasi 2020 yilning yozigacha amal qiladi.
