UZ

Сўнгги янгиликлар

17:14"Атлетико" Лунинни "Реал"дан 15 млн еврога харид қилишга тайёр эди  0 16:32"Манчестер Юнайтед" де Лигт учун "Бавария"га 45 млн фунт таклиф қилади  1 16:02"Ливерпуль" Саудия Арабистони клублари учун ван Дейкка нарх қўйди  1 15:38"Барселона" де Йонг билан шартномани узайтирмоқчи  4 15:10Улуғбек Ҳошимов: "Ўзим катта бўлган жамоага қайтиш ёқимли. "Пахтакор" билан катта ютуқларга эришишни мақсад қилганман"  3 14:33"Ал Иттиҳод" Эдерсонни харид қилишга уриниб кўради, "Ман Сити" 50-60 млн евро хоҳламоқда  0 13:47"Астон Вилла" "Барселона" собиқ ўйинчисини сотишга тайёр  0 13:20"Манчестер Юнайтед" Маунтни сотишга тайёр  2 12:55ПСЖ йирик трансферга қўл уришга яқин  1 12:39Қирғизистон футзал терма жамоаси бош мураббийи: "Ўзимиз йўл қўйган хатоларимиз сабабли мағлуб бўлдик. Осиё кубогида Японияни мағлуб этганимиздан сўнг босимни ҳис қилдик"  1 12:17"Барселона" Уильямснинг товон пулини фаоллаштиришга тайёр  1 11:48Феликс "Бенфика"га қайтиши мумкин?!  0 11:20"Реал" ўйинчилари ва ходимлари Мбаппенинг ўзини тутишидан ҳайрон  6 10:51Карло Анчелотти «Реал»да Килиан Мбаппедан қайси чизиқда ўйнаши ҳақидаги саволга жавоб берди  2 10:21Ҳусниддин Нишонов: "Ҳозир фақатгина жисмоний ҳолатимиз ва ҳимоямизни яхшилаш ҳақида ўйламоқдамиз"  1

Санжар Қувватов қачон терма жамоага чақирилади? Янгиликлар

Санжар Қувватов қачон терма жамоага чақирилади?

Муборакнинг “Машъал” жамоаси гарчи биринчи лигада иштирок этаётган бўлса-да, жуда мазмунли ўйин кўрсатмоқда.
Муборакнинг “Машъал” жамоаси гарчи биринчи лигада иштирок этаётган бўлса-да, жуда мазмунли ўйин кўрсатмоқда. Жамоа биринчи босқични биринчи ўринда тугатишдан ташқари 22та беллашувда ўз дарвозасидан атиги олтита тўп ўтказиб юборди. Бундан барча футболчилар қатори дарвозабон Санжар Қувватовнинг ҳам ҳиссаси катта.

Касбилик дарвозабоннинг ўйинига жиддий эътироз бўлиши мумкин эмас. Ва ўйлаймизки, у миллий терма жамоа йиғинларига мунтазам равишда чақирса бўладиган даражага етди. Бу гапни биз “Машъал” фойдасини кўзлаб айтаётганимиз йўқ, балки масалага объектив ҳолда ёндошиб ҳам шуни айтиш мумкинки, Санжар Қувватов терма жамоада тўп сура оладиган даражада етук футболчи.

Тўғри, айни пайтда Игнатий Нестеров миллий терма жамоамизнинг асосий посбони бўлиб турибди ва унинг ўйинларига гап-сўз бўлиши мумкин эмас. Лекин назаримизда, Игнатийга ҳам мос ўринбосар керак ва Қувватов мана шундай ўринбосарлардан бири бўла олиши мумкин. Чунки унда дарвозабонга керакли бўлган хислатлар етарли. Қувватовни анчадан бери таниганим учун шуни айтишим мумкин, у ичмайди, чекмайди ва режимга тўлиқ амал қилади. Машғулотларда ҳам тер тўкиб ишлайди. Мураббийларнинг ҳар бир кўрсатмасини тўлиқ бажаришга ҳаракат қилади.

Бугунги кунда терма жамоамизда иккинчи ва учинчи дарвозабонлар бўлиб турган Мурод Зуҳуров билан Сардор Қобулжоновга нимадир етишмаётгандек. Хусусан Зуҳуров кўп вақтини “Бунёдкор” захирасида ўтказмоқда. Қобулжонов эса ҳали тўлиқ пишиб етилгани йўқ. Шундай экан, агар терма жамоа мураббийлари Санжар Қувватовга ҳам эътибор қаратадиган бўлишса, ўйлаймизки, адашишмайди.

Бундан ташқари, Санжар учун терма жамоа янгилик ҳисобланмайди. У ўз вақтида олимпия термамиз сафида ҳам яхши ўйин кўрсатган ва поғонама поғона одимлаб мана энди миллий терма жамоада ҳам ўйнай оладиган даражага етди. Агар август ойида бўлиб ўтадиган терма жамоамизнинг Туркия билан ўртоқлик ўйинига Санжар Қувватов ҳам таклиф этилса бундан мубораклик мухлисларнинг боши кўкка етган бўларди.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика