Самвел Бабаян: "Бугунги ўйиндан мухлислар лаззат олишди"

- Бугун икки жамоа вакиллари ҳам ғалаба учун ўйнашди. Биз иккинчи ўрин учун айни дамда кураш жуда қизғин кечмоқда. Ўйин ҳам анчагина қизиқарли бўлди. Афсуски кетма кет дуранглар қайд этяпмиз, жуда ғалати голлар ўтазиб юборяпмиз, кўплаб имкониятлардан фойдалана олмаяпмиз. Қилаётган меҳнатларимиз эртами кечми ўз фойдасини беради. Бундай қийин ҳолатда йигитлар кучни бирлаштириб, ишлашда давом этишлари керак. Футболчилар бугун қийин ўйинда охиригача ҳаракат қилишганлари учун раҳмат айтмоқчиман. Урилган голдан кейин ҳам ҳужумкорликни сусайтиришмади. Бугунги ўйинни томоша қилганлар, албатта, бундан завқ олишди деб ўйлайман.

"Қизилқум"нинг йўқотадиган ҳеч нарсаси йўқ ҳолатда. Улар таркибида ёш болалар эмас, етарлича тажрибага эга бўлган футболчилар ўйнайди. Шунингдек, легионерларнинг савияси ҳам унчалик ёмон эмас. Уларнинг сифатини яхши баҳолай олгандик. Ўтган уй ўйинида 10 киши бўлиб, улар "Насаф"га мағлуб бўлишмади. Шундай ажойиб жамоаси бор "Қизилқум" қандай қилиб, сўнгги поғонада юрганига тушуна олмадим.