Сами Хедира: "Мен Карло Анчелотти билан олдинга интиламан"

У ўзининг “Die Welt” газетасига берган интерьюсида Жозе Моуриньо даврига баҳо берди ва Карло Анчелоттини мақтади.

ЯНГИ МАВСУМ ҲАҚИДА
- Янгидан бошланяпти: янги мураббий, янги ғоя, янги ўйин фалсафаси. Мен Мадридда ўйнаётганимдан ғурурланаман, чунки бу ерда ким ўйнаса ҳам совринлар учун курашади. Мен Анчелотти бошчилигида олдинга интилишимга ишончим комил.

КАРЛО АНЧЕЛОТТИ ҲАҚИДА
- У қаерда ишлаган бўлса ҳам ҳамма жойда унинг жамоаси яхши ўйнаган. Бизда тажрибали мураббий, ажойиб инсон бор ва у асосан диққатини тактика ва интизомга қаратади.  Анчелотти жамоага футбол ўйнаш имконини беради чунки у мухлисларга нима таклиф қилишни билади.

ЖОЗЕ МОУРИНЬО ҲАҚИДА
- Бу ерда ўзимиз ютқаздик. Уни хурматини жойига қўйишимиз керак, биз у билан юқори даражаларга эришдик ва у биз учун ажойиб мураббий бўлиб қолаверади. Уч йил олдин у менга Бундеслигадан Испания лигасида ўйнашимга имкон берди.

ЎЗ КЕЛАЖАГИ ҲАҚИДА
- Менинг “Реал” билан шартномам давом этмоқда ва мен ҳозир фақат Анчелотти билан ишлаш ҳақида ўйлаяпман. Шартномани узайтириш бўйича келишув давом этмоқда лекин аниқ бирон нарса йўқ.

eurosport.ru сайтидан Жавлонбек Юсупов таржима қилди