Португалиялик юлдузнинг фикрича, Мбаппе Ҳоланддан кучлироқ.
"Эрлинг жуда тезкор ҳамда гол уришда моҳир, аммо Де Брюйне жароҳат олгач, унинг ҳам самарадорлиги пасайди. Эрлингни танқид қиляпти деб ўйламанг, у ажойиб ўйинчи, жисмонан "йиртқич", лекин бу етарли эмас. Ҳоланд ижодкор шерикларсиз ҳам гол уришни ўрганиши лозим.
Мбаппега келсак, у ажойиб ўйинчи, аммо Францияда қимматли вақтини беҳуда ўтказмоқда. У "Реал Мадрид"га ўтиши керак, шунда Беллингем ва Винисиус билан ажойиб трио ҳосил қилади. Шахсан мен Ҳоланддан кўра Мбаппени афзал кўраман, чунки франциялик футболчи анча серқирра ҳисобланади", деди Роналду.
