Роберто Карлос: "Роналдо 2002 йилги "Олтин тўп"ни мендан ўғирлаган"

"Мен ҳар доим Роналдога айтаманки, “Олтин тўп” меники эди ва у уни мендан ўғирлаган. Жаҳон чемпионати финалигача фаворит эканлигимни эшитгандим. Шундай қилиб, мен 90 дақиқада совриндан маҳрум бўлдим. Аммо ўйлаб кўрсангиз, ҳимоячининг "Олтин тўп" учун сўровномада иккинчи бўлиши ақл бовар қилмайдиган нарса. Унда фақат Беккенбауэр, Заммер ва Каннаваро ғалаба қозона олган. Шу тариқа иккинчи ўрин катта ғурур учун сабабдир".

Ўшанда "Интер" сафида тўп тепган бразилиялик форвард жароҳат туфайли 2001/02 йилги мавсумнинг аксарият қисмини ўтказиб юборганди. У 8 та гол билан 2002 йилги Жаҳон чемпионатининг энг яхши тўпурари бўлган ва Германияга қарши баҳсда (2:0) дубль қайд этган. 

Натижада мавсум оралиғида "Реал"га ўтган Роналдо 2002 йилги "Олтин тўп" соҳибига айланган, Роберто Карлос иккинчи, немис дарвозабони Оливер Кан учинчи бўлган.