Рўзиқул Бердиев: “Янги мавсумни интизорлик билан кутаяпмиз”
06 мар 19:48
Янгиликлар

Рўзиқул Бердиев: “Янги мавсумни интизорлик билан кутаяпмиз”

Суперлига баҳслари бошланишига ҳам саноқли кунлар қолди. Жамоамиз 1-турда Самарқандда «Динамо» жамоаси меҳмони бўлишади. Жамоамиз бош мураббийи Рўзиқул БЕРДИЕВ ушбу ўйин ҳақида клуб матбуот хизматига ўз фикрларини билдириб ўтди.

- Янги мавсум арафасида турибмиз, жамоамиз мавсумга қандай тайёргарлик билан келмоқда?

- Ўзимиз ҳам мавсум бошланишини интизорлик билан кутмоқдамиз. Янги мавсумга тайёргарликни имкон даражасида яхши олиб бордик, деб ўйлайман. Бир неча кун олдин олимпия терма жамоасига таклиф қилинган футболчиларимиз ҳам сафимизни тўлдиришди. Жамоа билан бутун эътиборимизни 9 март куни «Динамо» билан бўлиб ўтадиган учрашувга қаратганмиз. Қанчалик бу Мавсумга қанчалик тайёр эканлигимизни шу учрашувда кўрсатишга ҳаракат қиламиз.

- «Динамо» жамоаси билан бўлиб ўтадиган учрашув ҳақида икки оғиз фикрингиз.

- Юқорида айтиб ўтганимдек ҳозир бор эътиборимизни «Динамо» билан бўлиб ўтадиган учрашувга қаратганмиз. Жамоа таркибидаги ўйинчилар орасида ёш ва тажрибали ўйинчилар бор. Бу янги жамоа. Бу жамоа ҳали ўз сўзини айтади.

Ҳавола :

Манба : "Насаф" ПФК матбуот хизмати

Янгиликларни Телеграмда ўқинг!

Рейтинг: +30