Терма жамоамиз бош мураббийи Равшан Ҳайдаров ўйиндан олдин қуйидаги фикрларни айтиб ўтди:
- "Эртага бўладиган ўйинни Таиландда ўтган мусобақа финали билан таққослаш керак эмас. Чунки Осиё чемпионати бутунлай бошқа турнир. Биринчи ўйиндаги мағлубиятдан кейин биз руҳий ҳолат устида кўп ишладик. Кейин иккита баҳсда ғалаба қозондик. Чорак финалга чиққанимиздан хурсандмиз".
- "Япония - яхши жамоа ва ўйлайманки, улар ҳам M-150 Кубогидаги жамоадан фарқ қилади. Биз рақибни яхши ўргандик. Эртага ўзимизнинг яхши ўйинни кўрсатмоқчимиз. Шогирдларимга тўлиқ ишонаман".
