"Манчестер Юнайтед"нинг даниялик футболчиси Расмус Хойлунднинг укаси Оскар Хойлунд Франкфуртнинг "Айнтрахт" жамоаси билан шартнома имзолади. Бу ҳақида немис клуби ўз расмий сайтида хабар берди.
"Айнтрахт" 19 ёшли ярим ҳимоячи билан 2029 йилнинг 30 июнига қадар шартнома имзолади. "Transfermarkt" маълумотларига кўра, "Айнтрахт" бу трансфер учун "Копенгаген"га 1,35 миллион евро тўлаб берган.
Оскар Хойлунд ўтган мавсум катта футболда дебют қилди ва "Копенгаген" сафида 23 ўйинда майдонга тушди, жумладан улардан 8 таси ЕЧЛ беллашувлари (иккитаси саралашда ва олтита ўйин гуруҳ босқичида).
