Unga ko'ra, turnirda Eron, Misr, O'zbekiston va Kabo-Verde termalari ishtirok etadi.
"Yaqindagina barcha termalar bilan shartnomalar imzolandi. Musobaqaning dastlabki o'yinida Eron va Kabo-Verde o'zaro kuch sinashsa, ikkinchi bahsida O'zbekiston Misrga qarshi maydonga tushadi.
Uchrashuvlar g'oliblari final yo'llanmasini qo'lga kiritadi. Mag'lub bo'lganlar esa 3-o'rin uchun bahs olib boradi", - deyiladi xabarda.
Mazkur musobaqa noyabr oyidagi FIFA kunlari (10-18 noyabr) doirasida tashkil etiladi.
