Qarshining "Nasaf" klubi guruh bosqichiga chiqishi uchun ikki klub to'sig'idan o'tishi kerak bo'ladi. 31 yanvar kuni birinchi saralash bosqichida "Nasaf" o'z maydonida Bahrayn chempioni "Al Xidd" klubi bilan kuch sinashadi. Ushbu juftlik g'olibi 7 fevral kuni Saudiya Arabistonida "Al Fateh" mehmoni bo'ladi. Ushbu uchrashuv g'olibi guruh bosqiiga chiqadi.
"Bunyodkor" esa musobaqani 2-saralash bosqichidan boshlaydi. "Qaldirg'ochlar" 7 fevralda Qatarda "Al Jayish" mehmoni bo'lishadi. Mazkur o'yinda g'olib bo'lgan jamoa guruh bosqichiga yo'llanma oladi.
Bugun ushbu ma'lumotlarni OFK tasdiqladi. "Lokomotiv" klubi esa bugun bo'ladigan qur'adan so'ng guruhdagi raqiblarini bilib oladi.
