Беллашувдан кейин Ўзбекистон U-18 таркибида дубл муаллифига айланган Қувончбек Абраев фикрлари билан ўртоқлашди.
"Озарбайжон билан ўйинга бир ҳафта давомида тайёргарлик кўрдик. Уларни яхши ўрганиб чиққан ҳолда албатта. Биринчи ўйинда рақиб кўпроқ ҳимояланди. Шу боис гол ура олмадик. Ўтган баҳсни таҳлил қилдик, бугун эса гол уришга муваффақ бўлдик дея оламан.
Жаҳон чемпионатининг Ўзбекистон ва Озарбайжонга берилганининг ўзиёқ катта мотивация ҳисобланади. Бошқа сўз йўқ.
Озарбайжон таркибида ҳам яхши ижрочилар бор экан. Биз нималар қилиш кераклигини билардик. Шунинг учун қийналмадик", - дейди Қувончбек Абраев.
