Қозоғистон. 7-тур. Гейнрихдан голли пас

Кеча Қозоғистон премьер лигасида 7-тур ўйинлари бўлиб ўтди. Улуғбек Бақоев тўп тепаётган "Иртиш" клуби ўз уйида "Остона" клубини қабул қилиб мағлуб бўлди - 0:1. Бақоев ўйиннинг пенальтидан гол ура олмаган Игорь Юрин ўрнига 54-дақиқада майдонга тушди.

"Иртиш" 7та ўйиндан 8 очко тўплаб 7-ўринда бормоқда.

"Иртиш" - "Остона" 0:1
Гол:Конисбаев 20.
Амалга оширилмаган пенальти: Игорь Юрин (29)

Учта ҳамюртимиз фаолият олиб бораётган "Актобе" кеча ўз майдонида Миодраг Радулович бош мураббийлик қилаётган "Атирау"ни йирик ҳисобда таслим қилди - 3:0. Ўйиндаги иккинчи голни уришда Мирошниченкога ҳамюртимиз Александр Гейнрих ёрдамлашди. Иккинчи бўлим бошида Темур Кападзе дарвоза устунини нишонга олган бўлса,  Марат Бикмаевнинг зарбасини меҳмонлар посбони қайтариб юборди. Учрашувда Бикмаев тўлиқ ўйнади, Темур Кападзе фақат 90-дақиқада алмаштирилди, Гейрих эса 69-дақиқада Гридин ўрнига майдонга тушди. "Актобе" 15 очко билан мусобақа жадвалида пешқадам бўлиб турибди.

"Актобе" - "Атирау" 3:0
Голлар: Харбара 45+2, Мирошниченко 83, Хайруллин 86.
  
"Жетису" эса кеча сафарда "Акжайик" меҳмони бўлиб мағлуб бўлди - 0:2. Меҳмон жамоа сафида Руслан Мелзиддинов ва Шавкат Саломов майдонга тушишмади. "Жетису" 7-турдан сўнг 8 очко билан 8-ўринда бормоқда.

"Акжайик" - "Жетису" 2:0
 Голлар: Коструб 39, Хаман 71.


www.championat.uz