“Qo'qon-1912” jamoasi muxlislari anchadan buyon jamoa logotipi almashtirish lozimligini orzu qilishadi. Muxlislarimizning fikr-mulohazalarini inobatga olgan holda, o'tgan mavsumda jamoaning yangi logotipi uchun tanlov e'lon qilgan edik. Bizga muxlislarimizdan, ijodkor yoshlardan, dizaynerlardan ko'plab logotip variantlari kelib tushgan edi. Jamoa rahbariyati logotip o'zgartirishni yangi mavsum boshidan e'lon qilishni maqul deb topishdi.

Yangi logotipimizda eski logotiplarimizda bo'lgan maqsad, mano u qadar o'zgarmagan. Logotipimizda asosiy ranglar oq va ko'k ranglari saqlab qolishga harakat qildik. Yangi logotipda jamoa azolari hamda muxlislarimizning vatanga, Qo'qon shahriga va jamoaga bo'lgan mehri aks etgan.

Logotipdagi “Kokand” “1912” “football club” yozuvlari, jamoa nomini anglatish bilan birga, 1912 yilda Qo'qon shahrida o'zbekistondagi ilk futbol jamoasi tuzilganligini, Qo'qon shahri o'zbek futbolining vatani ekanligini ham bildiradi. Logotip markazida esa dunyo hunarmandlarining markazi bo'lgan Qo'qon shahrining ramzi bo'lgan Xudoyorxon o'rdasi joylashtirilgan.

Bundan buyon “Qo'qon-1912” jamoasiga tegishli barcha rasmiy hujjatlarda, jamoa liboslarida, tijorat-reklama ishlarida yangi logotipdan foydalaniladi", - deyiladi klub xabarida.

“Qo'qon-1912” klubining logotipi o'zgardi