"Қизилқум" катта ўзгаришлар остонасида

Йиғинни Тошкент вилоятининг Қизилтоғ шаҳарчасида олиб борган жамоа кеча “Навбаҳор” билан ўртоқлик баҳсида майдонга тушди (0:0).

Айтиш керакки, мазкур ўйинда, “Қизилқум” сафида кўплаб янги футболчилар ҳаракат қилди. Аниқроғи, биринчи лиганинг иккинчи босқич ўйинларига жиддий тарзда тайёргарлик кўраётган Навоийнинг “Зарафшон-ПФК” жамоасида шуғулланаётган 10дан ортиқ футболчилар “Қизилқум” йиғинига ёппасига кўчиб ўтишди. Буни биринчи бўлимда ҳаракат қилган ўйинчилар таркибидан ҳам билиб олишингиз мумкин.

Биринчи бўлимда тўп сурган футболчилар: Артём Макосин, Акмал Холиқов, Азиз Усмонов, Акмал Рустамов, Зафар Тўраев, Бобур Искандаров, Шерзод Файзуллаев, Жамшид Шохназаров, Руслан Санаев, Ҳуршид Юлдашев, Жалил Кимсанов.
Иккинчи бўлимда тўп сурган футбочилар: Эркин Жабборов, Фарруҳ Ҳайдаров, Жалил Кимсанов (Суннатилло Тошпўлатов), Файзулла Қамбаров, Даурен Эшбоев, Исроил Эргашев, Сарвар Холматов, Элдор Бойматов, Собир Усмонхўжаев, Наврўз Алимов.

Мазкур учрашувда ҳисоб очилмади ва томонлар ўзаро дурангга имзо чеқди.

Дарвоқе, юқорида айтиб ўтганимиздек, “Қизилқум” катта ўзгаришлар бўлиши кутилмоқда. Хусусан бош мураббий Рустам Забировнинг келгуси тақдири ҳам сўроқ остида. Сабаби катта эхтимол билан клуб мураббийлар штаби янгиланадиган бўлиб турибди. Лекин бу ҳозирча клуб расмийлари томонидан расман тасдиқланмади. Олинган маълумотларга қараганда, бугун-эрта раҳбарият қарорини айтади.


Исломбек Рустамбеков