UZ

Сўнгги янгиликлар

Қирғизистон билан ўйин ФИФА рейтингига таъсир қиладими? Янгиликлар

Қирғизистон билан ўйин ФИФА рейтингига таъсир қиладими?

Эртага, 9 ноябрь куни Ўзбекистон миллий терма жамоаси Қирғизистонга қарши ўртоқлик учрашуви ўтказади.

Яхши биласиз, шу кунларда миллий жамоамиз 14 ва 19 ноябрь кунлари бўлиб ўтадиган ЖЧ-2022 саралаш босқичидан ўрин олган иккита ўйинга тайёргарлик олиб бормоқда. 14 ноябрда Саудия Арабистонини қабул қилсак, 19 ноябрь куни Фаластин билан ўйнаймиз. 

Қирғизистонга қарши кечадиган баҳс расмий ўйинлар олдидан ўзига хос репетиция вазифасини бажариб беради. Шу ўринда кўпчиликни қизиқтираётган савол: Ўзбекистон - Қирғизистон баҳси ФИФА рейтингига таъсир қиладими? 

Бу саволга жавоб олиш мақсадида Алишер Никимбаевга мурожаат қилганимизда таниқли мутахассис шундай деди: "Ўртоқлик ўйинлари ФИФА рейтингига таъсир қилишининг ўзига яраша қонун-қоидалари бор. Биринчидан, футболчи алмаштиришлар сони 6тадан ошмаслиги керак. Агар 7 нафар футболчи алмашса рейтинга таъсир қилмайди. Иккинчидан, бу ўйин ФИФА кунларида бўлиб ўтмаслиги боис рейтинга таъсир қилган тақдирда ҳам баҳоси паст бўлади". 

P.S. ФИФА йиллик тақвимида 11-19 ноябрь терма жамоалар учун расмий ва ўртоқлик учрашувлари куни сифатида белгилаб қўйилган. Биз Қирғизистон билан 9 ноябрда ўйнаймиз, бу эса ФИФА кунларига кирмайди. Энди ўйин пайти нечта футболчини алмаштириш ҳар икки жамоа бош мураббийларининг ўзаро келишувига қараб амалга оширилса керак. 

Айни пайтда Ўзбекистон ФИФА рейтингида 1287 очко билан 85, Қирғизистон эса 1252 очко тўплаб 94-ўринни эгаллаб турибди.

Муаллиф : Xayrulla Xoliqov
Рейтинг: +15   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг