Қатар машғулотларни бошлади. Жамоа аъзолари коронавирусга тест топширишди
13 июн 17:55
Янгиликлар

Қатар машғулотларни бошлади. Жамоа аъзолари коронавирусга тест топширишди

Қатар чемпионати вақтинча ўтказилмаётгани боис терма жамоа йиғинга киришди.

34 нафар футболчи таклиф этилган ўқув-машғулот 3 июлга қадар давом этади. Жамоа аъзолари машғулотларга киришишдан олдин коронавирусга тест топширдилар.

Қатар футбол ассоциацияси жамоадаги барча карантин қоидаларига қатъий амал қилган ҳолда иш олиб боришини айтиб ўтди. Йиғиндан кўзланган мақсад, терма жамоани кузда бўлиб ўтадиган расмий ўйинларга пухта тайёрлаш.

Қатар термаси устози Феликс Санчес таклиф этган футболчилар орасида Карим Будаиф, Исмоил Муҳаммад, Алмуаз Али, Саад Ал Шиб, Абдулкарим Ҳассан, Ҳассан Ал Ҳайдос, Акрам Афиф каби машҳурлар бор.