Про лига янги мавсумига 12 март куни қуръа ташланади
01 мар 2021 10:28
Янгиликлар

Про лига янги мавсумига 12 март куни қуръа ташланади

Мамлакатимизда янги футбол мавсуми расман 6 март санасида бўлиб ўтадиган Суперкубок учрашуви билан бошланади.

9 март куни эса Coca-Cola Суперлиганинг илк турига старт берилади.

ЎзПФЛ Про лига беллашувлари трансляцияси ҳуқуқига эгалик қилувчи УзРепорт билан келишган ҳолда янги мавсумга қуръа ташлаш маросимини 12 март куни ўтказишга қарор қилди. Бунгача Coca-Cola Суперлигасига қуръа ташлаш маросимлари жонли эфирга узатиб келинган бўлса, эндиликда тарихда илк бор Про лига вакиллари ҳам жонли эфирда намойиш этиладиган қуръа маросимига ташриф буюради.

Про лига мавсуми 22 мартдан эътиборан старт олади. Дастлабки тур учрашувлари 22-23-24 март саналарида бўлиб ўтади. ФИФА кунлари давом этаётган 27-28-29 март кунларида Про лига 2-тури ўтказилади.

Тақвимнинг қолган қисми ҳамда қуръа ташлаш маросимининг қаерда ташкил этилиши тез орада эълон қилинади.

Ҳавола :

Манба : pfl.uz

Янгиликларни Телеграмда ўқинг!

Рейтинг: +2