Превью. "Шўртан" - "Нефтчи"

Бунга сабаб ҳар иккала жамоа бир хил 10 очко жамғарган ҳолда турнир жадвалида кетма-кет ўринларни эгаллаб турибди. Яъни, Фарғонанинг бош жамоаси «Нефтчи» 11-ўринда бораётган бўлса, «Шўртан» 12-поғонада бормоқда.

Қизиғи шундаки, «Шўртан» ҳам, «Нефтчи» ҳам бунгача 3тадан ўйинда ғалаба қозонишди, 1 мартадан дуранг ўйнаб, 8та беллашувда мағлуб бўлишди. Тўплар нисбати «Нефтчи»да 12-17 (-5)ни кўрсатаётган бўлса, «Шўртан»нинг бу борадаги кўрсаткичи 8-16 (-8) бўлиб турибди.

Шуни айтишимиз лозим, «Нефтчи» шу пайтгача сафарда бешта ўйин ўтказиб, ҳаммасида мағлуб бўлди. Жамоа 3та тўп киритиб, ўз дарвозасидан 10та гол ўтказиб юборган. «Шўртан» эса ўз майдонидаги ўйинларда 2 бор зафар қучди, бир марта дуранг ўйнаб, икки марта мағлубиятга учради. Натижада уйдаги беллашувларда ғузорликлар ҳозирча 7 очкони қўлга киритишди.

«Шўртан» ва «Нефтчи» жамоалари шу пайтгача Ғузорда ўзаро 8 марта баҳс олиб боришган. Мазкур беллашувларнинг 5тасида «Шўртан» ва фақат биттасида «Нефтчи» ғалаба қозонган. Шунингдек, 2007, 2008 йил бўлиб ўтган баҳсларда ҳисоб очилмаган. Ғузордаги ўйинларда тўплар нисбати 13-3 бўлиб турибди, албатта «Шўртан» фойдасига.

Шуни қўшимча қилиши лозим, «Шўртан» ўз майдонида 2009 йилдан бери «Нефтчи»ни мағлубиятга учратиб келмоқда. Ҳозирча «Шўртан»нинг фарғоналиклар устидан энг йирик ғалабаси 2011 йилги чемпионатда қайд этилган. Ўшанда ғузорликлар рақибни 4:0 ҳисобида енгишган. Бундан ташқари, кетма-кет олти йилдан бери «Шўртан» «Нефтчи»дан гол ўтказиб юбораётгани йўқ. Ўйлаймизки, бу сафар ҳам жамоамиз ижобий натижага эришади. Қуйида Ғузордаги учрашувлар натижасини келтириб зўтамиз.

 
2005 йил. 20-тур.
ШЎРТАН - НЕФТЧИ - 3:1 (0:1)
Ҳакам: Попов Александр - 8,4
Голлар: 0:1 - Отақўзиев Носир, 23. 1:1 - Усмонхўжаев Собир - пенальти, 60. 2:1 - Таран Игорь, 64. 3:1 - Таран Игорь - пенальти, 90
 
2006 йил. 12-тур
ШЎРТАН - НЕФТЧИ - 1:2 (1:1)
Ҳакам: Серазитдинов Виктор - 8,3
Голлар: 0:1 - Отақўзиев Носир, 26. 1:1 - Ҳасанов Нўъмон, 30. 1:2 - Коваленко Илья, 47

2007 йил. 28-тур
ШЎРТАН - НЕФТЧИ - 0:0
Ҳакам: Попов Александр - 8,5

2008 йил. 6-тур
ШЎРТАН - НЕФТЧИ - 0:0
Ҳакам: Тамбовцев Андрей - 7,8
 
2009 йил. 24-тур
ШЎРТАН - НЕФТЧИ - 1:0 (0:0)
Ҳакам: Цейтлин Владислав - 9,1
Гол: 1:0 - Геворкян Артур, 58

2010 йил. 15-тур
ШЎРТАН - НЕФТЧИ - 2:0 (1:0)
Ҳакам: Цейтлин Владислав - 9,1
Голлар: 1:0 - Эркинов Шаҳбоз, 27. 2:0 - Клишин Виктор, 88

2011 йил. 21-тур
ШЎРТАН - НЕФТЧИ - 4:0 (2:0)
Ҳакам: Намозов Бахтиёр - 8,1
Голлар: 1:0 - Таран Игорь, 27. 2:0 - Полвонов Зафар, 32. 3:0 - Эркинов Шаҳбоз, 72. 4:0 - Таран Игорь, 76
 
2012 йил. 18-тур.
ШЎРТАН - НЕФТЧИ - 2:0 (1:0)
Ҳакам: Исмоилов Марат
Голлар: 1:0 - Таран Игорь, 16. 2:0 - Қодирқулов Ботир, 55