Превью. "Бухоро" - "Пахтакор"

Шу куни Бухорода "Бухоро"  ва "Пахтакор" жамоалари баҳслашади. Тачмурод Агамуродов шогирдлари асосий очколарни ўз майдонларида тўплаб келишмоқда. 16 очко тўплаган бухороликлар еттинчи поғонада боришяпти. Бухородаги ўйин жуда муросасиз кечиши табиий. Баҳсда жамоамиз ҳужумчиси Темурхўжа Абдухолиқов майдонга туша олмайди. Унинг ҳисобидаги сариқ карточкалар сони 4тага етган.

Ҳозирга қадар олий лигада 40 бор тўқнаш келган клуб ўйинларининг 29таси "Пахтакор", 5таси "Бухоро" ютуғи билан тугаган. Қолган 6 ўйинда дуранг қайд этилган. "Шерлар" рақибни умумий 91:29 ҳисобида мағлуб этишмоқда. Зтган мавсумда футболчиларимиз бу рақибни Тошкентда 4:1, сафарда 1:0 ҳисобида доғда қолдирганлар. Ёшлар жамоалари бугун соат 17:00да ўйинларини бошласалар, асосий таркиблар 4 июль, пайшанба куни соат 18:30да майдонга тушиб келишади.

«Бухоро» – «Пахтакор»
Ҳакамлар: Мурод Муҳаммедов (Тошкент вил.), Фазлиддин Ҳасанов (Наманган), Баҳром Норсафаров (Қарши), Ш.Рўзиқулов (Қарши).
Назоратчи: Булат Галеев (Урганч).