"Пахтакор" ва "Насаф" ўртасидаги Ўзбекистон Суперкубоги Самарқандда бўлиб ўтади
19 фев 2021 17:10
Янгиликлар
"Пахтакор" ва "Насаф" ўртасидаги Ўзбекистон Суперкубоги Самарқандда бўлиб ўтади
"2021 йилги мавсумда Ўзбекистон Профессионал футбол лигаси томонидан ўтказиладиган мусобақалар регламенти"нинг 22.3-бандига асосан шу йилнинг 6 март санасида Ўзбекистон Суперкубоги учун учрашув ўтказилади.
Унда мамлакат чемпиони сифатида "Пахтакор" ва вице-чемпион сифатида "Насаф" клублари ўзаро саф тортади. Беллашув 16:00да старт олади.
Мазкур банд шартларидан келиб чиқиб, Суперкубок ўйини учун Самарқанд шаҳри танлаб олинди. Шаҳаргача этиб бориш шароити ҳар икки клуб мухлислари учун нисбатан тенг экани инобатга олинди.
Регламентдан келиб чиқиб, мазкур беллашувда "Пахтакор" футбол клуби расмий мезбон ҳисобланади.
Ўзбекистон Профессионал футбол лигаси Суперкубок ўйинини ташкил этишда кўрсатаётган ёрдами учун Самарқанд вилояти ҳокимияти ҳамда "Динамо" футбол клуби раҳбариятига миннатдорчилик билдиради.

Суперкубок учрашуви билан боғлиқ ўйинолди тадбирлар ҳақида кейинроқ батафсил маълумот берилади.
Ўхшаш янгиликлар
championat.asia
ОЧЛ-2. Ҳакамга тиббий ёрдам кўрсатилган ўйинда "Андижон" 3-марта 0:0 ҳисоби қайд этди. Бу галги рақиб – "Ал Ҳалдия"
Арда Гюлер: "Алонсо дарвозада турасан деса, қўлқоп сотиб оламан"
Суперлига. "Пахтакор" финал олдидан меҳмонда "Хоразм"ни енгди, икки жамоа ўйинни 10 киши тугатди
Суперлига. "Қизилқум" ўз майдонида "Динамо" устидан ишончли ғалабага эришди
Фикрлар