Озил фаолиятини қайси жамоада якунлайди?

“Нимага йўқ? Мен ҳали ёшман, эндигина 30 га тўлдим. Футболда ҳамма нарса содир бўлиши мумкин, аммо мен “Арсенал”дек катта жамо шарафини ҳимоя қилаётганимдан бахтлиман. Мен бу ерда тўп тепиб, роҳатланаяман ва фаолиятимни бу ерда якунлашим ҳам мумкин.

Неччи ёшимга қадар тўп тепаман? Имкон бўлса 38 га қадар. Агар ўзимни яхши ҳис қилсам, 35, 36 ёшимга қадар тўп тепсам керак деб ўйлайман. Аммо ҳаммаси қандай кечишини вақт кўрсатади. Кўрамиз”, дея футболчининг сўзларидан иқтибос келтирмоқда Evening Standart.

Месут «канонирлар» сафида 2013 йилдан буён тўп тепиб келмоқда. Германиялик футболчи фаолияти давомида “Шальке-04”, “Вердер”, “Реал” жамоалари шарафини ҳимоя қилган.

Жорий мавсумда АПЛ баҳсларида футболчи учта гол уриб, 9 бор жамоадошларининг голларига ҳаммуаллифлик қилди.