Osiyo Futbol Konfederatsiyasi O'zbekiston terma jamoasining Jahon Chempionati-2018 ikkinchi saralash bosqichi doirasidagi uy uchrashuvlarini o'tkaziy joyi va vaqti bo'yicha O'zbekiston Futbol Federatsiyasi tomonidan berilgan taklifni qabul qildi. Unga ko'ra O'zbekiston milliy terma jamoasi o'z uy uchrashuvlarining barchasini "Bunyodkor" stadionida o'tkazadigan bo'ldi.
Yamanga qarshi kechadigan dastlabki uy uchrashuvi 2015 yilning 3 sentyabrida, 19:00da boshlanadi.
Shu yilning 12 noyabr sanasida bo'ladigan Shimoliy Koreyaga qarshi uy uchrashuvi esa 18:00da start oladi.
Shuningdek, 2016 yilning 24 martida bo'ladigan Filippinga qarshi o'yin va 29 mart kuni o'tkaziladigan Baxraynga qarshi uchrashuvlar ham 18:00da boshlanadi.