UZ

Сўнгги янгиликлар

12:10Рабьонинг онаси энди ўғлига агентлик қилмайди  1 12:08Назорат учрашуви. "Қўқон-1912" "Бухоро"ни мағлуб этди  2 12:04Гвардиола: "Ҳеч қачон "Челси"ни ўзим учун мос клуб деб ҳисобламаганман"  9 11:59“Локомотив” ва “Металлург” клублари тақдим этган хат ПФЛ учун тушунарсиз бўлди  6 11:57Гаттузо: "Биринчи бўлимдаги ўйин ёқмади"  0 11:47Ўзбекистон Суперкубогидан олдин стадионда Лола ва Шахзода қўшиқ куйлайди  10 11:27Ўзбекистон Суперкубоги. Олдинги 4та ўйинда кимлар майдонга тушган?   10 11:17Бербатов: "Негадир "Реал"да ҳаммасига Бэйл айбдор бўляпти"  4 10:45"Навбаҳор" бош мураббийи: "Погба етакчи эмас"  22 10:30Бахтиёр Ҳамидуллаев "Андижон"га қайтди  4 10:18Облакнинг йиллик маоши 12 млн. евро бўлади  6 09:46Чичарито — АПЛда 50 та гол урган мексикалик илк футболчи   9 09:31"Навбаҳор" Намангандаги йиғинни бошлади  32 09:23Бугун 16:00. Ўзбекистон Суперкубоги. "Локомотив" - АГМК  27 09:22Виталий Денисовни табриклаймиз!  8

Ўзбекистон ёшлар терма жамоаси Францияга қарши оқ либосда ўйнайди Янгиликлар

Ўзбекистон ёшлар терма жамоаси Францияга қарши оқ либосда ўйнайди

5 июль, шанба куни Трабзон марказидаги «Зўрлу» меҳмонхонасида Франция ва Ўзбекистон ёшлар терма жамоалари менежерлари иштирокида учрашув бўлиб ўтди.
6 июль, шанба куни Ризе шаҳридаги «Йэни Шеҳир» стадионида U-20 ЖЧ-2013 чорак финал босқичи доирасида Франция ва Ўзбекистон ёшлар терма жамоалари ўзаро тўқнашади. Ушбу ўйин арафасида ҳар иккала терма жамоа менежерлари иштирокида учрашув бўлиб ўтди. Учрашувни ФИФА бош координатори Жон де Луиза ва ўйин комиссари, индонезиялик Жавҳар Ҳасан олиб борди.

Учрашувда Трабзондан 50 дақиқалик масофада жойлашган Ризе шаҳрида ўтказиладиган ўйиннинг хавфсизлик, маркетинг, медиа, тиббий, ҳакамлик ва бошқа ташкилий масалалари бўйича маълумотлар берилди. Томонларни қизиқтирган саволларга жавоблар топилди.

Йиғилишда 6 июль куни бўладиган ўйинда жамоалар қандай рангли либосларда ўйнашлари аниқлаб олинди. Унга кўра, Франция ёшлар терма жамоаси анъанавий кўк рангли либосларда ҳаракат қилади. Ўзбекистон ёшлар терма жамоаси эса мусобақа давомида иккинчи марта ўзининг оқ рангли либосларидан фойдаланади. Аҳмаджон Мусаев шогирдлари бунгача фақат Хорватияга қарши гуруҳ босқичи учрашувида оқ либосларда ҳаракат қилишган эди.

Ўзбекистон ёшлар терма жамоаси Трабзон шаҳрига 3 июль куни етиб келган эди. Шаҳар ва ёндош ҳудудларда, жумладан, Ризеда ҳам ҳаво булутли бўлиб турибди ва бирор кун қуёш бор бўйи билан кўрингани йўқ. «Ўйин ўтказиладиган майдоннинг ҳозирги ҳолати, уни ўйин учун асраш зарурати ва айни вақтдаги иқлим шароитидан келиб чиқиб, ўйинолди расмий машғулотларини машғулот майдонларида ўтказишга рози бўлганликлари учун терма жамоаларга миннатдорлик билдирамиз», - деди бош координатор.

Эслатиб ўтамиз, Франция ва Ўзбекистон ёшлар терма жамоалари ўртасидаги U-20 ЖЧ-2013 чорак финал учрашуви 6 июль, жума куни, Тошкент вақти билан 20:00да бошланади. Учрашувни бразилиялик ҳакамлар бригадаси бошқариб боради. Терма жамоа етакчи ҳимоячилари – Сардор Раҳмонов ва Бобурбек Йўлдошев дисквалификация сабаб ушбу ўйинда майдонга туша олмайди.
Рейтинг:    

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг