UZ

Сўнгги янгиликлар

19:47Кейруш Эрон терма жамоасидан кетганини маълум қилди  2 19:29Бундан роппа-роса 150 йил муқаддам дастлабки халқаро расмий ўйин ўтказилган  1 19:12ЖЧ-2022. Тунис — Франция. Таркиблар маълум  3 19:07ЖЧ-2022. Австралия — Дания. Таркиблар маълум  1 19:01"Челси" Диогу Кошта учун 70 миллион евро беришга тайёрми?  1 18:42Кьеллини "Ювентус"га қайтиши мумкин, фақат футболчи сифатида эмас  0 18:23Кафу: "Трент нега Англия термаси захирасида ўтирганини тушунмаяпман"  2 18:20Спортбарда севимли терма жамоангизни қўллаб-қувватлашни ёқтирасизми?  2 18:05Уэльс бош мураббийи: "Жамоам ҳақида ёмон гап айтишни тақиқлайман"  2 17:46Антони шамоллаб қолгани ҳақида: "Ҳаммаси кондиционерлар туфайли"  8 17:27Лео Мессига таъсирли хат ёзган ЖЧдаги юлдуз  24 17:06Futbol TV шоу-бизнес каналига айланади  44 16:47Марко Колакович: "Бакаевдан кўп яхши жиҳатларни ўргандик"  2 16:28ЖЧ-2022. Плей-офф босқичига иккинчи йўлланмани тақдим этиши кутилаётган Австралия — Дания учрашуви превьюси  5 16:15Шомуродов учун курашда етакчилик қилаётган клуб номи маълум бўлди  12

Ўзбекистон U-20 ёшлар терма жамоаси – Трабзонда Янгиликлар

Ўзбекистон U-20 ёшлар терма жамоаси – Трабзонда

Ўзбекистон U-20 ёшлар терма жамоаси Ризега фақат расмий ўйин ўтказиш учун боради.
Ўзбекистон U-20 ёшлар терма жамоаси 3 июль куни Borajet авиакомпанияси самолётида Газиантеп – Трабзон йўналиши бўйича парвоз қилиб, Трабзон шаҳрида, Қора денгиз бўйида жойлашган Novotel меҳмонхонасига жойлашди. Меҳмонхона маъмурияти Ўзбекистон ёшлар терма жамоаси вакилларини гуллар билан кутиб олишди.

Аҳмаджон Мусаев шогирдлари Ризе шаҳрига фақат Франция ёшлар терма жамоасига қарши U-20 ЖЧ-2013 чорак финал ўйинини ўтказиш учун боради. Машғулотлар Трабзон шаҳрида олиб борилади. Қайд этиш жоиз, 3 июль куни Трабзон шаҳрида ҳаво булутли бўлиб турибди; ҳаво ҳарорати 24 даража илиқ. Намлик даражаси 50 фоиздан ортиқ. Ўзбекистонлик ёшлар жой олган самолёт ям-яшил Трабзон шаҳрига қўниш арафасида 10 дақиқадан ортиқ вақт мобайнида қалин ва оппоқ булутлар орасида сайр қилди.

Маълумот ўрнида, Ўзбекистон U-20 ёшлар терма жамоаси Трабзонгача Франция билан бирга парвоз қилди. Novotel меҳмонхонасида, Ўзбекистон U-20 ва Франция U-20 терма жамоаларидан ташқари, бугун, 3 июль куни ўзаро нимчорак финал ўйинини ўтказадиган Жанубий Корея ва Колумбия ёшлар терма жамоалари ҳам истиқомат қилмоқда.

Эслатиб ўтамиз, Ўзбекистон U-20 ёшлар терма жамоаси 6 июль, шанба куни Ризе шаҳрида «Йэни Шеҳир» стадионида Туркияда давом этаётган ёшлар ўртасидаги 2013 йилги жаҳон чемпионати чорак финал ўйинлари доирасида Франция ёшлар терма жамоасига қарши майдонга тушади. Учрашув Тошкент вақти билан 20:00да бошланади.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика