Ўзбекистон U-14 термаси устози Ислом Исмоилов: "Рақибдан устунроқ эдик"

Маълумот учун, кечаги баҳсда Ўзбекистон U-14 минимал (1:0) ҳисобда ғалаба қозонган бўлса, биринчи назорат беллашувида россияликлар худди шу ҳисобда ғолиб чиқишганди.

- Россия U-14 термасига қарши ўртоқлик ўйинлари ҳақида нималар дея оласиз?

- Икки ўйинга тўхталадиган бўлсак, ушбу ёш тоифасидаги терма жамоамиз энди йиғилди. Шунинг учун барча футболчиларни кўрикдан ўтказишга ҳаракат қиляпмиз. Биринчи ўйинда илк бор халқаро майдонда ҳаракат қилаётганимиз боис ҳаяжон сезилганди, лекин ўйин жиҳатидан рақибга енгилмагандик. Хато ва камчиликларни кўриб чиқиб, иккинчи учрашувда бошқа схемада ҳаракат қилдик. Биринчи учрашувда 4-3-3 тузилмасида ҳаракат қилган бўлсак, иккинчи баҳсда 5-3-2 схемасидан фойдаландик. Натижани кўрдингиз, рақибдан устунроқ эдик, деб ўйлайман.

- Россия U-14 нинг кучига қандай баҳо берасиз?

- Ҳозир аниқ бир нарса дейишим қийин. Лекин уларда ҳамиша потенциал бўлади. Ҳали ўз сўзини айтади, деб ўйлайман. Бизнинг авлодда ҳам келажаги порлоқ болалар йиғилишган. Камчиликлар кузатилган бўлса-да, икки ўйиндан кўнглим тўлди.