Ўзбекистон терма жамоасига номзод мураббий "Вест Бромвич" таклифини рад этди

49 ёшли мутахассис хизматларига "Вест Бромвич" қизиқиш билдирган эди. Клубнинг жиддий қизиқишига қарамасдан, Билич таклифни қабул қилмади.

Хорватиялик мутахассиснинг сўзларига кўра, у футболга қайтиши учун вақт керак. Славен Билич камида янги йилгача дам олмоқчи.

Олдинроқ, Ўзбекистон футбол федерацияси расмий сайтида Славен Билич миллий терма жамоани бошқариши мумкин бўлган номзодлар орасида эканлиги эълон қилинган эди.