O'zbekiston o'smirlar terma jamoasi Armanistondagi xalqaro musobaqada ishtirok etadi

Narzulla Saydullayev

16 apr 2017, 21:15

Dilshod Nuraliev bosh murabbiyligidagi O'zbekiston o'smirlar terma jamoasi shu yilning 17–23 aprel kunlari Armaniston poytaxti Erevan shahrida tashkil etiladigan xalqaro turnirda ishtirok etadi.

Development Cup nomli musobaqada O'zbekiston o'smirlar termasi Armaniston, Kipr va Makedoniya mamlakatidagi tengdoshlari bilan kuch sinashadi.

Dilshod Nuraliev mazkur musobaqaga 18 futbolchini tanlab oldi. Quyida ular bilan tanishing.

Darvozabonlar: Mo'minrizo Qodirov (“Bunyodkor”), Anvar Nazirov (“Andijon”);
Himoyachilar: Sardor Abdurashidxo'jaev (“Bunyodkor”), Alibek Davronov (“Nasaf”), Miraziz Saidov (“Paxtakor”), Muhammadyusuf Nosirov (“Bunyodkor”), Jasurbek Abdulbekov (“Bunyodkor”), Hurshid Ubaydullaev (“Bunyodkor”), Behzod Ne'matov (“Paxtakor”);
Yarim himoyachilar: Doniyor Sobirov (“Paxtakor”), Mirjalol Qosimov (“Nasaf”), Jaloliddin Sodiqov (“Bunyodkor”), Diyorbek Rahimqulov (“Bunyodkor”), Jasurbek Jaloliddinov (“Bunyodkor”), Mironshoh Sattorov (“Bunyodkor”);
Hujumchilar: Ruslan Ro'ziev (“Paxtakor”), Temur Mamasiddiroq (“Paxtakor”), Igor Chirkizov (“Paxtakor”).

Mazkur uchrashuvlar O'zbekiston o'smirlar termasi uchun 2018 yilgi U-16 Osiyo chempionatiga saralash bosqichiga tayyorgarlik vazifasini o'taydi. Saralash bosqichi shu yilning 16–24 sentyabr kunlari bo'lib o'tadi.